3. Mose 16:20 - O Debleskro Lab 2024 (Sinte-Manouche)

²⁰ Te kras o Aron halauter, te vell i doosh oun o pale-čiddo koova krik lino dran o Debleskri kouč isema, dran o tselo Debleskro plarhteno kheer oun dran i rhačepaskri, palle anell lo koy djidi morsh bouzni kay,

O Debleskro Drom 2021 (Sinte)

²⁰ Te kras o Aron halauter, te well i doosh un o pale-tchiddo koowa krik lino dran o Debleskri kutch isema, dran o tselo Debleskro plachteno kheer un dran i chatchepaskri, palle anell lo koi djidi mursh busni kai,

3. Mose 16:20 ပူးပေါင်းရင်းမြစ်များ

Ezekiel 45:20

Oun yaake kress tou kova ninna ap o eftato dives foun ko čon, hakeneske, kay doosh ap peste las, oun kova gar kamas oun djinas. Oun yaake lenn t'mer i doosh oun o pale-čiddo koova krik dran o kheer.

3. Mose 16:16

Oun yaake krell lo, te vell o pale-čiddo koova oun koy doosh, hoy i Israelitarya ap pende anan – lengro tselo čilačo koova, dran o Debleskri kouč isema krik lino. Oun yaake hounte krell lo ko tselo Debleskro plarhteno khereha. Kava kheer hi tardo ap i platsa, kay i Israelitarya djivenn. Oun koy doosh, hoy yon ap pende anenn oun lengro pale-čiddo koova krell ninna o Debleskro kheer pale-čiddo.

3. Mose 16:19

Oun yob čivell peskro goushto an o rat, oun vitsrell čomone ko ratestar ap i rhačepaskri. Kova krell lo efta kope, te vell i Israelengri doosh oun lengro pale-čiddo koova krik lino, hoy ap i rhačepaskri hi. Oun i rhačepaskri vell pale djoudjo glan o baro Debleskre yaka.

3. Mose 16:21

oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them.

3. Mose 8:15

Oun o Mose maras les kote, oun las čomone ko ratestar, oun makas peskro goushteha ko rat ap i shinga, hoy pral ap i star ekke ap i rhačepaskri hi. Ko tselo vavar rat čoras lo tella pash i rhačepaskri vin. Yaake las lo koy tseli doosh oun ko tselo pale-čiddo koova krik, hoy ap koy rhačepaskri his, te nay vell li o Debleske dino.

Remarja 4:25

O Yezous Kristo hi kova, koles o Devel bičras, te merell lo menge, oun te lell lo mari doosh mendar krik. Oun o Devel kras les i moulendar djido, te nay krell lo men čačo glan leste.

Remarja 8:34

Kek nay penell ap mende: Tou djal nashedo! O Yezous Kristo meras menge. Oun kova hi gar lauter. O Devel kras les ninna i moulendar djido. Oun yob hi ap leskri čači rig, oun rakrell menge mishto.

2. Korintarja 5:19

O Devel his an peskro čaveste, o Yezous Kristeste, oun kras, te nay venn i menshe leha khetne. Lengri doosh las lo lendar krik. Yaake vas kova krik lino, hoy his mank lende oun o Debleste tardo. Mende das lo kay boudi, te penas kal lače laba i menshenge.

Kolossarja 1:20

Oun o Yezous Kristo hi ko drom, kay o Devel oun i menshe pale mala venna. Har yob ap o troushel meras, oun peskro rat ratas, anas o Devel lauteren pash peste khetne, hoy hi an o bolepen oun ap i phoub.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.