3. Mose 15:32 - O Debleskro Lab 2024 (Sinte-Manouche)

³² Pal kal laba hounte vell kerdo i morsheha, dran koleskro mass čomone vin nashell, oun koleske yek tele djal, yaake te vas lo pale-čiddo.

O Debleskro Drom 2021 (Sinte)

³² Pal kal laba hunte well kerdo i mursheha, dran koleskro mass tchomone win nashell, un koleske jek tele djal, jaake te was lo pale-tchiddo.

3. Mose 15:32 ပူးပေါင်းရင်းမြစ်များ

Ezekiel 43:12

Glan halauter hounte vell dre-rikedo, te hi koy tseli platsa pral ap i berga, kay miro kheer tardo hi, kokres mange koy. Ninna halauter, hoy koy trouyel hi, hi mange.

3. Mose 11:46

Kava hi hoy glan činlo hi pral i firhende oun pral i čirklende oun pral halauter, hoy djivell an o pani, oun pral kol firhende, kay djan ap o per oder ap tikne herya pral i phoub.

3. Mose 13:59

Yaake hounte vell kerdo, te sikrell pes i djoungelo kotar ap i ripen oder ap koola, hoy hi dran bakrengre balla, layna oder ledera, te vell siklo, hi le pale-čiddo oder gar.

3. Mose 14:2

Yaake hounte krenn t'mer yekeha, kay les i djoungelo nasslepen ap peskri hauta his, oun pale sasto vas, te vell lo pale erligo. Yob vell glan o rashayeste anlo.

3. Mose 14:32

Yaake hounte vell kerdo koleha, kay i djoungelo nasslepen ap peskri hauta his, oun kova gar yaake bravelo hi, te nay anell lo triin bakre, te vell lo pale erligo kerdo.

3. Mose 14:54

Pal kal laba hounte vell kerdo, te hi yekes i nasslepen ap peskri hauta, djoungelo oder gar djoungelo,

3. Mose 15:16

Te djal i morsheske yek tele, palle thovell lo peskro tselo kerpro tele, oun yob vell pale-čiddo, bis te vell rati.

3. Mose 15:31

Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

3. Mose 15:33

Oun pal kal laba hounte vell kerdo i djouvyah, kolat peskri djouvyakro koova hi, oun i morsheha, kay sovell khetne i djouvyah, kolat peskri djouvyakro koova hi.

4. Mose 19:14

Kova hi hoy mer hounte kras: Te merell i mensho an peskro plarhteno kheer, hounte vell hakeno, koon an ko kheer djala, oun koon an ko kheer hi, efta divessa pale-čiddo.

4. Mose 5:29

Yaake hounte krenn t'mer kova, te zilverell i morsh oun patsell, te rhorhras les peskri romni i vavareha. Yob hounte anell lat glan o baro Debleste. Oun ko rashay hounte krell lah kova yaake har kate penlo hi.

4. Mose 6:13

Kova hi ko lab, hoy penell koleske, kay hi i tsireske o Debleske koy, hoy te krell lo: Te hi ko tsiro trouyel, kay das yob pes sovel, hounte vell lo pash o voudar glan o Debleskro plarhteno kheer anlo.