3. Mose 15:31 - O Debleskro Lab 2024 (Sinte-Manouche)

³¹ Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

O Debleskro Drom 2021 (Sinte)

³¹ Un o baro Dewel penas ap o Mose un ap o Aron: Denn i Israelitarjen trad, te atchenn le i kotar dur miro kherestar an ko tsiro, kai hi le pale-tchiddo, te krenn le gar koi platsa pale-tchiddo, kai me djiwau mank lende, te merenn le gar.

3. Mose 15:31 ပူးပေါင်းရင်းမြစ်များ

Debleskri gili 66:18

Yob shounas miri gole, oun das yak ap kova, hoy lestar mangom. Te vals man čilačepen glan an miro dji, shounals man o Devel, miro ray, gar.

Ezekiel 23:38

Oun kava hi gar lauter, hoy le kran: Ap ko emligo dives, har maran le pengre čaven o rhorhene deblenge, van le an miro kheer, oun yaake kran le miro kheer pale-čiddo. Oun kol divessa, kay mange hi, rikran le bouder gar dren. Ava, savo koova hi, hoy kran le an miro kheer!

Ezekiel 36:17

Tou, mensho, har o kheer Israel an peskro them djivas, kran le savo koova, oun djivan yaake, te vas o them pale-čiddo. Lengro djoungelo djipen his mange har ko pale-čiddo tsiro i djouvyatar, kolat pengro koova hi.

Ezekiel 44:23

I rashaya hounte sikrenn mire menshende, hoy mange, o Debleske hi, oun kova, hoy i menshenge hi. Oun yon hounte djinenn, hoy pale-čiddo glan mande hi, oun hoy gar pale-čiddo glan mande hi.

Ezekiel 5:11

T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

Daniel 9:27

Oun yob krell pes boudentsa khetne efta bershenge. Pal triin-te-paash bersha krell lo, te vell o Debleske bouder kek firho anlo, vitar kek rhapen. Oun i djoungeli čilači figura vell pre-čiddo an o Debleskro kheer oun ačell koy, bis te vell i phagi pral koleste, kay čivas les koy, – i phagi, hoy o Devel leske glan dikas.

3. Mose 11:47

Yaake nay djinenn t'mer, hoy pale-čiddo hi oun hoy gar pale-čiddo hi, oun havo firho nay rhan t'mer, oun havo firho nay rhan t'mer gar.

3. Mose 13:59

Yaake hounte vell kerdo, te sikrell pes i djoungelo kotar ap i ripen oder ap koola, hoy hi dran bakrengre balla, layna oder ledera, te vell siklo, hi le pale-čiddo oder gar.

3. Mose 15:32

Pal kal laba hounte vell kerdo i morsheha, dran koleskro mass čomone vin nashell, oun koleske yek tele djal, yaake te vas lo pale-čiddo.

3. Mose 19:30

Rikrenn mire Debleskre divessa dren, oun anenn kek ladj ap miro kheer. Me hom o baro Devel.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

3. Mose 21:23

Pash ko voudar dran than, hoy glan koy kouč isema hi, nay djal lo gar, vitar gar pash o Debleskri rhačepaskri, te krell lo o Debleskro kheer gar pale-čiddo. Me hom o baro Devel, oun rodom kava kheer vin, te hi lo mange.

4. Mose 19:13

Te taprell yek i moulo menshes an oun kamell pes gar yaake te thovell, palle krell lo o Debleskro kheer pale-čiddo. Oun savo mensho hounte vell infam kerdo oun nay djivell bouder gar mank i Israelitarya. Ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo, oun ko pale-čiddo koova ačell ap leste.

4. Mose 19:20

Koon vas pale-čiddo oun kamell gar, te vell lo thodo ko panyeha, kova hounte vell infam kerdo oun nay djivell bouder gar mank i Israelitarya. Yob kras o baro Debleskro kheer pale-čiddo, oun ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo.

4. Mose 5:3

Morshen oun djouvyen hounte bičrenn vin glan koy platsa, kay t'mare plarhtene khera tardo hi, te krenn yon gar koy platsa pale-čiddo, kay me pash t'mende djivau.”

1. Korintarja 3:17

Koon o Debleskro kheer paash krella, koles phagella o Devel. O Debleskro kheer hi o Debleske. Oun kava kheer han t'mer.

5. Mose 24:8

Te lell yek t'mendar i djoungelo nasslepen ap peskro mass, hoy les pale-čiddo krell, palle denn yak, te krenn halauter yaake, har kol rashaya dran o kheer Levi t'menge penenn. Me penom lenge, hoy te krenn. Oun ap kova hounte rikrenn t'men.

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

1. Samuel 3:14

Me dom man sovel glan leste, te nay lell či koy doosh krik, hoy leskri familya ap peste anas. Kek firho, vitar kek rhapen dran yarro, hoy yon mange anenn, nay lell koy doosh krik.”