3. Mose 14:54 - O Debleskro Lab 2024 (Sinte-Manouche)

⁵⁴ Pal kal laba hounte vell kerdo, te hi yekes i nasslepen ap peskri hauta, djoungelo oder gar djoungelo,

O Debleskro Drom 2021 (Sinte)

⁵⁴ Pal kal laba hunte well kerdo, te hi jekes i nasslepen ap peskri hauta, djungelo oder gar djungelo,

3. Mose 14:54 ပူးပေါင်းရင်းမြစ်များ

3. Mose 11:46

Kava hi hoy glan činlo hi pral i firhende oun pral i čirklende oun pral halauter, hoy djivell an o pani, oun pral kol firhende, kay djan ap o per oder ap tikne herya pral i phoub.

3. Mose 13:3

Oun ko rashay hounte dikell peske koy nasseli kotar hauta an. Te van i balla kote parno, oun koy nasseli kotar hauta hi doureder tele an o mass har koy vavar hauta trouyel, palle hi kova i djoungelo nasslepen. Kova te dikell o rashay ap koleste, palle hounte rakrell lo vin, te hi ko mensho pale-čiddo.

3. Mose 14:2

Yaake hounte krenn t'mer yekeha, kay les i djoungelo nasslepen ap peskri hauta his, oun pale sasto vas, te vell lo pale erligo. Yob vell glan o rashayeste anlo.

3. Mose 14:32

Yaake hounte vell kerdo koleha, kay i djoungelo nasslepen ap peskri hauta his, oun kova gar yaake bravelo hi, te nay anell lo triin bakre, te vell lo pale erligo kerdo.

3. Mose 14:53

Palle moukell lo ko djido čirkles vin te djal dran o foro. Yaake lell lo ko pale-čiddo koova ko kherestar krik. Oun i menshe nay djivenn pale an o kheer.

3. Mose 15:32

Pal kal laba hounte vell kerdo i morsheha, dran koleskro mass čomone vin nashell, oun koleske yek tele djal, yaake te vas lo pale-čiddo.

3. Mose 6:14

An o sasterno čaro vell o yarro khetne kerdo o djeteha, palle peklo, an kotya phagedo oun o baro Debleske rhačedo. Oun ko lačo soungepen, hoy vell vin, soungell mishto o baro Debleske.

3. Mose 6:9

Ko yarro oun ko djet, hoy pral ačell, kova hi o Aroneske oun leskre morsh čavenge. Te krenn le pengro maro kolestar, hounte čivenn le kek shoutlo yarro dren. Ap koy platsa glan o Debleskro plarhteno kheer hounte rhan le les. Kaya hi i Debleskri platsa. Kava rhapen dell o baro Devel lenge kolestar, hoy i menshe leske anan. Kova hi i Debleskro rhapen. Doleske nay rhan les kokres i rashaya, yaake har ninna ko mass kol firhendar, hoy venn maredo, te vell i doosh oun o pale-čiddo koova krik lino, oun o mass kol firhendar, hoy venn maredo, te vell i doosh pale mishto.

3. Mose 7:1

Yaake hounte vell kerdo ko firheha, hoy i menshe anenn, te vell lengri doosh pale mishto kerdo. O mass sau firhestar nay rhan kokres i rashaya oun kek vavar.

3. Mose 7:37

Kava hi hoy glan činlo vas: pral ko firho, koleskro tselo mass rhačedo vell; pral o rhapen dran djob, hoy o Debleske anlo vell; pral ko firho, hoy maredo vell, te vell i doosh oun o pale-čiddo koova krik lino; pral ko firho, hoy maredo vell, te vell o mensheskri doosh pale mishto kerdo; pral ko firho, hoy maredo vell ap ko dives, kay vell o rashay an peskri boudi dren čiddo; pral ko firho, hoy rhan le khetne, koleskre feteder kotya o Debleske rhačedo van.

4. Mose 19:14

Kova hi hoy mer hounte kras: Te merell i mensho an peskro plarhteno kheer, hounte vell hakeno, koon an ko kheer djala, oun koon an ko kheer hi, efta divessa pale-čiddo.

4. Mose 5:29

Yaake hounte krenn t'mer kova, te zilverell i morsh oun patsell, te rhorhras les peskri romni i vavareha. Yob hounte anell lat glan o baro Debleste. Oun ko rashay hounte krell lah kova yaake har kate penlo hi.

4. Mose 6:13

Kova hi ko lab, hoy penell koleske, kay hi i tsireske o Debleske koy, hoy te krell lo: Te hi ko tsiro trouyel, kay das yob pes sovel, hounte vell lo pash o voudar glan o Debleskro plarhteno kheer anlo.

5. Mose 24:8

Te lell yek t'mendar i djoungelo nasslepen ap peskro mass, hoy les pale-čiddo krell, palle denn yak, te krenn halauter yaake, har kol rashaya dran o kheer Levi t'menge penenn. Me penom lenge, hoy te krenn. Oun ap kova hounte rikrenn t'men.