3. Mose 14:34 - O Debleskro Lab 2024 (Sinte-Manouche)

³⁴ Te venn t'mer an o them Kanaan, hoy me t'men dau, te vell kava them t'menge, oun me moukau kote an i kheer i djoungelo kotar vin te vell,

O Debleskro Drom 2021 (Sinte)

³⁴ Te wenn tumer an o them Kanaan, hoi me tumen dau, te well kau them tumenge, un me mukau kote an i kheer i djungelo kotar win te well,

3. Mose 14:34 ပူးပေါင်းရင်းမြစ်များ

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 13:17

Dja trouyel an o tselo them! Tout dau ko tselo them.”

1. Mose 17:8

Oun me dau tout oun tire čaven kava them, kay tou kanna i vi-themari hal. Kava tselo them Kanaan vell lengro hako tsiro. Oun me hom lengro Devel.”

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

3. Mose 14:33

O baro Devel penas ap o Mose oun ap o Aron:

3. Mose 14:55

kote, kay sikrell pes i pessepen, nassele kotya oun parne kotya ap i hauta. Oun pal kal laba hounte vell kerdo, te sikrell pes i djounglepen ap ripya oder an khera.

3. Mose 20:24

T'menge penau: Lengro them dau t'mende, te vell lo t'maro. Kova hi i them, kay boud thoud oun gvin hi. Me, o baro Devel, hom t'maro Devel, oun rodom t'men mange dran i vavar themma vin.

3. Mose 23:10

Pen ap i Israelitarya: Te venn an ko them, hoy me t'men dau, oun t'mer činenn o nevo djob tele oun pandenn les khetne, palle anenn ko ersto pandepen nevo djob glan o rashayeste.

3. Mose 25:2

Pen ap i Israelitarya: Te venn t'mer an ko them, hoy me t'men dau, palle te vell ko themes hako eftato bersh i Debleskro bersh, kay vitsrenn či an i phoub dren, te vell kova baro. Krenn kova yaake, te sharenn man!

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Amos 6:11

Djinenn: O baro Devel, te penell yob: O baro kheer hounte perell khetne, palle perell lo khetne. Oun te penell yob: O tikno kheer hounte perell an kotya, palle perell lo an kotya.

Micha 6:9

Shounenn, hoy dell o baro Devel gole pral o foro Yerusalem! – Koon gosevo hi, kova lell leskre laba ap o dji! Shounenn, t'mer menshe, kay venn khetne an o foro!

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”

4. Mose 32:22

oun bis te hi lo o ray pral ko them. Koy pal nay djan t'mer pale pale, oun kek doosh lan t'mer ap t'mende glan o baro Debleste oun glan Israel. Oun o them ap kay rig kate vell t'mende dino glan o baro Debleste.

4. Mose 32:32

Mer lah mare rhare oun djah glan o baro Debleste an o them Kanaan, te las maro kotar them kate ap kay rig o panyestar Yordan.”

4. Mose 35:10

Rake kol Israelentsa oun pen ap lende: Te venn t'mer vergel o pani Yordan, an ko them Kanaan,

5. Mose 12:1

Kanna penau t'menge, hoy o Devel t'mendar kamella oun leskre čačepaskre laba, hoy hounte rikrenn an ko them, hoy dell t'men o baro Devel, kay ninna o Devel t'mare phourendar his, te lenn les t'menge dren. Denn yak ap kal laba, oun rikrenn t'men ap lende yaake rah har djivenn.

5. Mose 19:1

Ap ko tsiro, kay tradas t'maro baro Devel kol vavar menshen vin dran ko them, hoy lo t'mende dell, oun t'mer lan ko them dren, oun djivenn an lengre forya oun an lengre khera, palle hounte rodenn t'menge triin forya vin, kay nay djan kolla dren, kay naashepangre hi.

5. Mose 26:1

An ko tsiro, kay val an ko them, hoy tiro baro Devel tout dell, te vell lo tiro, oun tou djiveh koy,

5. Mose 27:3

Oun činenn kol tsele laba pre, hoy sikrenn, har te djan miro drom. Oun čivenn kal barra pre ap i berga Ebal! Kova krenn ap ko dives, kay venn an ko them, kay baro Devel t'men dell. Yob hi o Devel, koles t'mare phoure an-mangan. Oun yaake har yob lenge penas, hi kova i them, an koleste thoud oun gvin nashell.

5. Mose 32:49

“Dja pre ap kal berge Abarim an o them Moab ap i berga Nebo, hoy vergel o foro Yericho čiddo hi! Oun dik o them Kanaan. Kava them dau me i Israelitaryen, te vell ko them lenge.

5. Mose 7:15

Oun o baro Devel lell hako nasslepen t'mendar, oun anell kek savo nasslepen ap t'mende, hoy ap i menshende an o them Egiptia van, oun hoy t'mer prindjrenn. Na-a gar ap t'mende čivell lo len, ap hakeneste, kay ap t'mende pre djal, čivell lo len.

Josua 13:1

Oun o Yosua vas phouro. Les his i lengsto djipen. Kote penas o baro Devel ap leste. Tou val phouro, oun tout his i lengsto djipen. Oun koy hi gomme boud them, hoy gar dren lino hi:

1. Samuel 2:6

O baro Devel dell temerl, oun yob krell djido. Yob anell tele pash i moulende oun pale pre.