3. Mose 1:7 - O Debleskro Lab 2024 (Sinte-Manouche)

⁷ Oun i rashaya dran o kheer Aron krenn i yag ap i rhačepaskri oun čivenn kasht ap koy yag,

O Debleskro Drom 2021 (Sinte)

⁷ Un i rashaja dran o kheer Aron krenn i jag ap i chatchepaskri un tchiwenn kasht ap koi jag,

3. Mose 1:7 ပူးပေါင်းရင်းမြစ်များ

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

1. Rajengro liil 18:33

Palle čivas lo ko kasht ap i rhačepaskri, činas ko gouroum an kotya oun čivas len ap ko kasht.

1. Familjakro liil 21:26

Oun o David kras koy o baro Debleske i rhačepaskri, oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun har yob o baro Debles an-kharas, moukas yob yag dran o bolepen te perell ap i rhačepaskri, kay kol moule firhe čiddo hi.

1. Familjakro liil 6:34

O rashayeskri boudi his kokres o Aroneske oun leskre čavenge. Yon rhačran i firhen ap o Debleskri sasterni rhačepaskri, ninna soungepaskro koova ap o Debleskro sonakaskro bob. Yon kokres nay djan an o Debleskri kouč isema, te krenn le o Debleskro koova, te vell o Israeleskri doosh krik lino, lauter yaake, har penas o Mose, koles o Debleskro vast his.

2. Familjakro liil 7:1

Har o Salomo o baro Debleha rakras, har lo peskre tsele laba vi-rakras, peras i yag dran o bolepen oun rhačras i marede firhen oun kol kotya mass, hoy his čiddo ap i rhačepaskri. Oun o kheer vas pherdo o baro Debleskro raylepen,

Nehemia 13:31

Oun penom ninna, koon ap havo tsiro o kasht hounte anell rhačepaske, oun krom, te vell o nevo djob oun i neve roukengre anlo. Biste kova mange gar, miro Devel, oun dik lačes ap mande!

3. Mose 6:8

Yek lendar lell kolestar i vast pherdo yarro, kay djet dren hi, ninna ko tselo soungepaskro koova, hoy pral o yarro čiddo hi, oun moukell kova ap o Debleskri rhačepaskri pre te rhačrell. Yaake sikrell lo, te hi ko tselo rhapen o baro Debleske. Oun ko lačo soungepen, hoy vell vin, soungell mishto o baro Debleske.

3. Mose 9:24

I yag djas vin o baro Deblestar, oun rhačras ko mass pre kol firhendar, koleskro tselo mass rhačedo vell, ninna kol thoulle kotya, hoy ap o Debleskri rhačepaskri čiddo his. Har kova i tsele menshe dikan, dan le i barhtyatar gole, oun čivan pen tele glan o baro Debleste ap i phoub.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.