3. Johanni 1:11 - O Debleskro Lab 2024 (Sinte-Manouche)

¹¹ Lačo phraal, ma kre o čilačepen palla! Kre o lačepen! Kova, kay krell lačo koova, vell o Deblestar. Kova, kay o čilačepen krella, kova prindjrell o Debles gar.

O Debleskro Drom 2021 (Sinte)

¹¹ Latcho phraal, ma kre o tchilatchepen palla! Kre o latchepen! Kowa, kai krell latcho koowa, well o Deblestar. Kowa, kai o tchilatchepen krella, kowa prindjrell o Debles gar.

3. Johanni 1:11 ပူးပေါင်းရင်းမြစ်များ

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Debleskri gili 37:27

Mouk o čilačepen pal toute, oun kre o lačepen! Palle nay ačeh hako tsireske khere an o them.

2. Mose 23:2

Ma rike pash kolende, hoy djan ap i čilačo drom, ninna te hi yon boud! Te poučenn toutar i čačepangre, ma pen čomone vavares har o čačepen, ninna te rhorhenn i tsele vavar.

Gosewe laba 12:11

Koon ap peskro kotar phoub boudrell, koleske vell boud maro. Koon savo koova pal nashell, hoy či moldo hi, kova hi narvelo.

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 3:20

Kolla, kay o čilačo koova krenna, kamenna gar koy momeli. Yon ačenn penge an o tamlepen, yaake kay dikenn i vavar gar, havo čilačo koova yon krenna.

1. Korintarja 11:1

Krenn kova yaake, har me kova krau! Oun me krau kova, hoy o Yezous Kristo kras.

1. Korintarja 4:16

Me mangau t'men: Djivenn yaake har me djivau!

Efesarja 5:1

T'mer han o Debleskre čave. Oun yob kamell t'men i tselo djiyeha. Doleske krenn lauter yaake, har o Devel kova krella,

Filiparja 3:17

Mire phrala, dikenn ap mande oun ap kolende, kay djivenn yaake har me! Djivenn t'mer ninna yaake!

1. Tessalonikarja 1:6

Oun kova, hoy dikan t'mer ap mende, kova krenn t'mer kanna ninna, oun djivenn yaake, har o ray Yezous djivas. Har shounan t'mer o Debleskro lab, patsan les oun hans barhtelo pral kova, ninna te kran i menshe t'menge o djipen phares. Koy barht das o Debleskro Dourho an t'mende.

1. Tessalonikarja 2:14

Mire phrala, t'mare menshe lan t'men palla. Yaake djas t'menge har kol patsle biboldenge an o them Youdea. Lengre menshe, i bibolde, lan len ninna palla.

2. Timoteo 3:10

Me sikrom tout, har te djas ap o Debleskro drom, oun tou ačal ap leskro drom, oun djival yaake, har me touke glan djivom. Tou kameh kova, hoy me ninna kamau. Tou dikal, har me patsau ap o Yezous Kristeste. Oun tou djineh, har rikrom ap o patsepen. Tou djineh ninna, har kamom i vavaren o djiyestar, oun har rikrom lauter vin.

Hebrearja 6:12

Ma avenn khino, te krenn o Debleskri boudi! Avenn yaake har kolla, kay ačan zoreles an o patsepen, oun lan kova, hoy o Devel lenge penas.

1. Petro 3:11

Yob moukell o čilačo koova, oun krell o lačo koova. Peskri tseli zoryah krell lo, te djal kek čingepen mashkral i menshende!

1. Petro 3:13

T'mer te kamenn i tseli zoryah lačo koova te krell, koon krell t'menge čilačepen? Kek, patsau.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.