3. Johanni 1:10 - O Debleskro Lab 2024 (Sinte-Manouche)

¹⁰ Te vau me pash t'mende, penau me leske, hoy yob lauter kras. Yob anell o rhorhepen pral mende pre. Oun kova hi leske gar doha. Yob lell gar i patsle phralen pre, kay venna pash leste. Oun kolla, kay kamenn len pash pende pre te lell, kolenge penell lo, te krenn le kova gar, oun vitsrell len dran i kangri vin.

O Debleskro Drom 2021 (Sinte)

¹⁰ Te wau me pash tumende, penau me leske, hoi job lauter kras. Job anell o chochepen pral mende pre. Un kowa hi leske gar doha. Job lell gar i patsle phralen pre, kai wenna pash leste. Un kolla, kai kamenn len pash pende pre te lell, kolenge penell lo, te krenn le kowa gar, un witsrell len dran i kangri win.

3. Johanni 1:10 ပူးပေါင်းရင်းမြစ်များ

Gosewe laba 10:10

Kova, kay i yakentsa dell, doukrell i vavaren. Kova, kay dinelo koova rakrell, nashrell halauter.

Gosewe laba 10:8

Koles, kay i gosevo dji hi, rikrell pes ap kol laba, hoy leske penlo van. yek, kay dinelo koova rakrell, nashrell halauter.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Johanni 9:22

Len his daar kol pralstoune biboldendar. Doleske rakran yon yaake. I pralstoune bibolde kaman hakenes pale-čiddo te krell, kay penella o Yezousestar: Yob hi o baro ray, kolestar o Devel penas, te vell yob.

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

2. Korintarja 13:2

Te vau kava kopo, rikrau man gar pale, te dap kolen i phagi, kay kran čilačo koova. Kova penom, har homs o douyto kopo pash t'mende, oun kanna, kay hom dour t'mendar krik, penau les pale t'menge.

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

1. Timoteo 5:13

Kal terne djouvya kamenn bouder gar te boudrell, oun yon djan dran yek kheer an o vavar, oun čamrenn boud. Yon kamenn lauter feteder te djinell, oun rakrenn yaake, hoy gar mishto hi.

2. Johanni 1:10

Te vell yek pash t'mende, oun penell t'menge vavar koova har kova, hoy o Yezous Kristo menge penas, koles lenn gar an t'maro kheer! Parkrenn les vitar gar!

2. Johanni 1:12

Me nay penoms t'menge gomme boud. Kova kamau gar lauter an i liil te činell. Shoukeder vals, te nay voms pash t'mende, oun rakroms t'mentsa, te venn mare djia pherdo barht.

3. Johanni 1:3

Barhtelo homs, har mare phrala van oun mange penan, har tou ap o čačo drom djah, oun pal o čačepen djiveh.

3. Johanni 1:5

Lačo phraal, tou kreh i lači boudi tire phralenge, ninna te prindjreh len gar.