2. Timoteo 4:14 - O Debleskro Lab 2024 (Sinte-Manouche)

¹⁴ O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.

O Debleskro Drom 2021 (Sinte)

¹⁴ O Alexandro, kowa, kai budrell i sasteha, kras mange bud tchilatchepen. O rai Jesus rakrell i phagi pral leste win pal kowa, hoi job kras.

2. Timoteo 4:14 ပူးပေါင်းရင်းမြစ်များ

2. Samuel 3:39

Ninna te makan yon man djeteha dren, te vap baro ray, hom kava dives gar zorelo. Kal morsha, kolengri day i Serouya hi, hi zorleder har me. O baro Devel mou dell koles čilačepen pale, kay čilačepen kras!”

Debleskri gili 28:4

Kre lentsa pal kova, hoy yon kran, pal lengro čilačepen, hoy yon kran, pal kova, hoy yon pengre vastentsa kran! De len pale pal kova, hoy kran le i vavarenge!

Debleskri gili 62:12

Boudeder har yek kopo shounom: O Devel kokres hi zorelo,

Jeremia 15:15

Baro Devel, tou djineh halauter! Ma biste man, oun ab ap miri rig! De kolen lengro čilačepen pale, kay man palla lenna! Rike tiri rholi ap lende gar yaake rah pale, te vap gar maredo! Tou djineh, me hom touke koy. Doleske čingrenn le ap mande.

Ropaskre gilja 3:64

De lenge les pale, baro Devel, har yon mantsa kran!

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

Remarja 2:6

Ap ko dives dell lo hakenes pal kova, hoy yob kras.

2. Tessalonikarja 1:6

Yob djal ninna pal o čačepen, te dell lo kolen i phagi, kay t'men palla lan.

1. Timoteo 1:20

Douy lendar hi o Himeneo oun o Alexandro. Kolen dom an o bengeskro vast, te rakrenn le bouder gar djoungeles pral o Debleste.

2. Timoteo 4:15

Tou ninna, de tout garda glan leste! Lauter, hoy mer penam, his leske gar mishto.

1. Johanni 5:16

Te dikeh tou, te kras i vavar patslo i čilačo koova, palle hounte mangess tou o Debles leske! Oun o Devel dell les o djipen. Della ninna i doosh, hoy anell an o merepen. Oun me penau gar, te mangess tou o Debles kolenge, kay koy doosh ap pende lan.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 18:6

Krenn ap late yaake, har yoy ap t'mende kras! Denn lat douy kope yaake boud čilačepen pale, har yoy ap t'mende kras! Denn lat i pipen te piyell, hoy hi douy kope zorleder har kova, hoy yoy das t'mende te piyell!

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

1. Samuel 24:12

Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.