2. Timoteo 4:10 - O Debleskro Lab 2024 (Sinte-Manouche)

¹⁰ O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

O Debleskro Drom 2021 (Sinte)

¹⁰ O Demas mukas man, un djas an o foro Tessalonika. Job kamell o djipen ap kai phub. O Kreskens djas an o them Galatia, un o Tito an o them Dalmatia.

2. Timoteo 4:10 ပူးပေါင်းရင်းမြစ်များ

Mateo 12:32

Oun yek te penell djoungele laba pral o Menshengro Čaveste, yaake nay bistrell lo kova. Yek te rakrell djoungele laba pral o Debleskro Dourho, kova bistrell lo an kek tsiro, gar an kava tsiro, oun vitar gar an ko tsiro, kay vella.

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

Louka 14:33

Doleske penau t'menge: Kek t'mendar nay vell miro maal, te dell yob gar lauter pre, hoy les hi.”

Louka 16:13

Kek boudepaskro boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, ko vavares kamals yob o djiyestar. Tou nay boudreh gar o Debleske oun leh tiro bravlepen khetne!”

Louka 17:32

Ma bistrenn o Loteskri romyat!

Bičepangre 13:13

Pal kova djas o Paulo oun kolla, kay pash leste his, dran o foro Pafos. Ap o shiffo ouleran yon an o foro Perge. Kova hi an ko them Pamfilia čiddo. O Yohanni Marko djas peske lendar, oun djas pale an o foro Yerusalem.

Bičepangre 15:38

O Paulo penas ap o Barnabeste: “Kova hi gar mishto, te las o Markes peha. Yob moukas men an o them Pamfilia kokres, djas peske, oun boudras gar mentsa.”

Bičepangre 16:6

O Paulo oun o Silas djan doureder. Oun har o Debleskro Dourho gar kamas, te penan le o Debleskro lab an o them Asia, djan le an i themma Frigia oun Galatia.

Bičepangre 17:1

Oun o Paulo oun o Silas van an i forya Amfipolis oun Apolonia oun djan doureder an o foro Tessalonika. Koy his i biboldengri kangri.

Bičepangre 17:11

I bibolde an o foro Berea shounan feteder ap o Debleskro lab, har kol bibolde an o foro Tessalonika. Yon shounan o Debleskro lab pengro tselo djiyeha, oun rodan hako dives an o Debleskro lab, te djinenn le, te hi kova čačo, hoy o Paulo penas.

Bičepangre 17:13

Har shounan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, van le kote oun kran čingepen. Yon kaman, te venn i menshe rhoyedo ap lende.

Bičepangre 18:23

Oun har yob i tsiro koy his, djas lo doureder an i themma Galatia oun Frigia, oun das i tsele patslen zoor an o patsepen.

2. Korintarja 2:13

Miro phraal, o Tito, kamas ninna an kava foro te vell. Har vas lo gar, vas man i daar, oun me penom lenge: “Ačenn mo Debleha!” oun djom mange an o them Macedonia.

2. Korintarja 7:6

Kolen bouder kek zoor hi, kolen dell o Devel nevi zoor. Oun yob das men nevi zoor an o dji, har vas o Tito pash mende.

2. Korintarja 8:16

Me parkrau man pash o Debleste, te das yob maro phrales, o Tites, i baro dji t'menge.

2. Korintarja 8:23

O Tito hi miro maal oun boudrell mantsa t'menge. Kol vavar phrala van kol patslendar bičedo, kay an vavar gaba oun forya khetne venna. Kal douy phrala hi morsha, kay krenn o Debleske kek ladj, na-a, yon boudrenn yaake, te vell o Yezous Kristo sharedo.

2. Korintarja 8:6

Har kova dikam, mangam mer maro phrales, o Tites, te djal lo pale pash t'mende, te lell lo kol love, hoy t'mer khetne čivan, yaake har yob kova ninna glan i tsiro kras. Yaake vell kay lači boudi kanna lauter kerdo.

Galatarja 1:2

Me oun i tsele phrala, kay pash mande hi, mer penah t'menge:

Filiparja 2:21

Kol vavar krenn lauter, hoy lenge mishto hi. Yon krenn gar, hoy o Yezous Kristo kamella.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.

Tito 1:4

Me činau ap toute, Tito. Tout oun man hi yek patsepen. Doleske hal tou har miro čačo čavo. Mou vell tout lačepen oun barht an o dji! Kova dell tout o Devel, maro dad, oun o Yezous Kristo, kay las men dran o čilačepen vin.

Filemon 1:24

Ninna o Marko, o Aristarko, o Demas, oun o Louka, kay mantsa o Yezous Kristeske boudrenna, kolla lauter penenn touke: Ač maro Debleha!

2. Petro 2:15

O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love.