2. Timoteo 3:15 - O Debleskro Lab 2024 (Sinte-Manouche)

¹⁵ Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.

O Debleskro Drom 2021 (Sinte)

¹⁵ Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

2. Timoteo 3:15 ပူးပေါင်းရင်းမြစ်များ

2. Familjakro liil 34:3

Har lo an o orhtato bersh baro ray his, oun gomme i terno morsh his, rodas lo ko Debles, koles leskro phouro dad, o David, an-mangas. Oun an o 12. (deesh-te-douyto) bersh kras lo pes ap i boudi, te vitsrell lo dran o them Youda oun dran o foro Yerusalem kol rhorhene deblen oun figuren krik. Koy pashel his ninna i figure, hoy i debletsa Ashera sikrenn.

Debleskri gili 19:7

O kham djal pre ap koy yek rig o bolepastar, oun nashell peskro drom bis ap i vavar rig, oun glan leskro tatepen ačella či khatedo.

Debleskri gili 71:17

Miro Devel, tou hal miro sikepaskro foun tiknes pre, oun ninna kanna rakrau me pral ko baro koova, hoy tou lauter kral.

Gosewe laba 22:6

Sike i tikno čaves peskro drom, palle djal yob gar kolestar krik, ninna te vell lo phouro.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Sikepaskro 12:1

Yaake rah har terno hal, ma biste koles, kay tout kras! Oun djin, te venn kol čilače divessa oun kol bersha, kay tou peneh: “Yon hi mange gar mishto”!

Mateo 22:29

Penas o Yezous ap lende: “T'mer prindjrenn gar o Debleskro lab oun o Debleskri zoor vitar gar. Doleske hayvan t'mer či.

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Louka 2:40

Ko ternepen vas baro oun zorelo, oun pherdo gosvepen. Oun hakeno dikas, kay o Devel pash leste hi.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 24:32

Oun yon penan mashkral pende: “Djas kova gar an maro dji, har yob ap o drom mentsa rakras, oun menge penas, hoy an o Debleskro lab pral leste činlo hi?”

Louka 24:45

Oun palle das lo len gosvepen, te hayvenn le o Debleskro lab,

Johanni 5:47

T'mer te patsenn gar, hoy o Mose činas an peskre lila, har nay patsenn t'mer, hoy me t'menge penau?”

Bičepangre 10:43

Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.”

Bičepangre 13:29

Har kova kerdo vas, hoy an o Debleskro lab glan i rah tsiro činlo vas, lan yon les o troushelestar tele, oun čivan les an o moulengro kheer.

Bičepangre 16:1

Yon van ninna an i forya Derbe oun Listra. Koy his i terno patslo morsh. Kova kharas Timoteo. Leskri day his i biboldetsa. Oun yoy his patslo. Leskro dad his kek biboldo.

Bičepangre 17:2

Har pash o Pauleste kova yaake his, djas lo pash lende dren, oun penas lenge ap triin Debleskre divessa o Debleskro lab.

Bičepangre 26:24

Har o Paulo kova rakras, te sikrell lo, kay hi kek doosh ap leste, das o Festo gole: “Paulo, tou hal dinelo! Tou hal yaake gosevo, te val narvelo.”

Remarja 1:2

Pral kava drom činan glan rah tsiro o Debleskre rakepangre an pengre lila, te vell i tsiro, kay krell o Devel i drom i menshenge, te nay venn le pash leste.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

Remarja 2:27

Oun yaake vell kova, kay kek biboldo hi, i čačepaskro ray pral t'mende, i biboldende. Yob kras, hoy o Devel kamella, oun t'mer kran gar, hoy o Devel kamella, ninna te hi t'men kol tsele činle laba, hoy penenn, har te djivenn, oun han činlo ap t'maro mass.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

Efesarja 6:4

T'mer dada, ma rhoyrenn t'mare čaven! Penenn lenge, hoy o Devel lendar kamella, oun sikrenn lende, har te djan le ap o Debleskro drom!

5. Mose 4:6

Yaake denn yak ap kol laba, oun rikrenn len! Palle dikenn i menshe an i vavar themma, har goseve han. Te shounenn le, pal have laba t'mer djivenna, palle penenn le: “Have goseve menshe hi kolla, kay prindjrenn pen an halauter vin! Havi bari zoreli natsyona!”

1. Timoteo 4:13

Le o Debleskro lab an i vast, oun sike i menshende, hoy koy dren činlo hi, oun rake koy pral! Sike lende, har te djan yon ap o Debleskro drom! Kre kova yaake rah, bis te vau pash toute!

2. Timoteo 1:1

Me, o Paulo, činau kava liil. Yaake har o Devel kamas, bičras man o Yezous Kristo, te penap i menshenge, kay o Devel kamell len ko djipen te dell, hoy gar pre-herella. Ko djipen dell lo kolen, kay ap o Yezous Kristeste patsenna.

2. Timoteo 1:5

Dikom tiro patsepen, an koleste kek rhorhepen hi. Kava patsepen his ninna an tiri mamyate Lois, oun an tiri date Eunike. Oun me djinau, kay djivell kava patsepen ninna an toute.

2. Petro 3:16

Pral ko koova činell lo an peskre tsele lila. Koy hi ninna laba dren činlo, hoy hi pharo te hayvell. Oun kol menshe, kay hayvenn kova gar, kolengro patsepen gar zorelo hi, kolla rissrenn kol laba trouyel, yaake har yon ninna krenna kol vavar Debleskre labentsa, hoy činlo hi. Oun yaake djan le nashedo.

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.