2. Timoteo 3:12 - O Debleskro Lab 2024 (Sinte-Manouche)

¹² Djiness, lauter kolla, kay patsenn ap o Yezous Kristeste oun kamenn te krenn, hoy yob kamella, venn palla lino.

O Debleskro Drom 2021 (Sinte)

¹² Djiness, lauter kolla, kai patsenn ap o Jesus Kristeste un kamenn te krenn, hoi job kamella, wenn palla lino.

2. Timoteo 3:12 ပူးပေါင်းရင်းမြစ်များ

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Markus 10:30

kova lell sheel kope yaake boud pale. Kanna, an kava tsiro lell lo khera oun phralen oun phenyen oun daya oun čaven, oun i kotar phoub. Ninna vell lo palla lino. An ko tsiro, hoy vella, lell lo o djipen, hoy gar pre-herella.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Johanni 17:14

Me penom lenge tire laba. Yon hi gar kay phoubyatar, yaake har me hom vitar gar kay phoubyatar. Doleske hi i menshe ap kay phoub rhoyemen ap lende.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

1. Korintarja 15:19

Te vals maro patsepen ap o Yezous Kristeste bouder či moldo pal o merepen, vams i čorvleder i tsele menshendar.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 4:9

Ninna te lenn le men palla, hi o Devel pash mende. Ninna te vitsrenn le men tele, stah pale pre.

1. Timoteo 2:2

Mangenn lestar, te dell lo i rayen oun i pralstunen o gosvepen, te krenn le pengri boudi mishto, yaake te djivas nay an o lačepen, te djas mer o Debleskro drom, te nay rakrenn i menshe gar djoungeles pral mende!

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

1. Timoteo 6:3

Te sikrell yek i menshende i vavar drom, oun penell lenge gar o čačo lab maro rayestar, o Yezous Kristestar, oun sikrell lende gar, har te djan le ap o Debleskro drom,

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Tito 2:12

An peskro lačepen penell lo menge, te penas “na-a” ap lauter, hoy yob gar kamella, te kras mer ko djoungelo koova gar, hoy kol vavar kate ap i phoub krenna. Mer das yak, hoy krah, te djas ap o čačo drom, oun te kras, hoy o Devel kamella, yaake rah har mer djivah ap kay phoub.

Josua 17:14

Oun kol morsha dran o kheer Yosef penan ap o Yosua: “Hoske vitsral tou kokres yek kopo i barra menge oun dal men yek kotar them? Mer ham yaake boud menshe! O baro Devel čivas boud barht ap mende, te vam boud menshe.”

1. Petro 3:14

T'mer krenn, hoy o Devel t'mendar kamella. Nay vell, te lenn le t'men doleske palla. Palle han barhtelo. Te denn le t'men trad, ma darenn! Ma trashenn lendar!

2. Petro 3:11

Mer djinah, kay lauter yaake paash djala. Doleske hounte kras mer lauter, te ačas o Debleha, oun djivas yaake, har yob kamella.

Debleskro tsiro 12:4

Oun leskri pori tserdell o triinto kotar kol bolepangre momelendar krik, oun vitsras len tele ap i phoub. Oun ko baro lolo sap hi glan koy djouvyate tardo, kay an o tsiro vas, te vell o ternepen. Oun yaake sik, har ko ternepen vals, kamas les lo pre te rhal.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”