2. Timoteo 3:1 - O Debleskro Lab 2024 (Sinte-Manouche)

¹ Kova hounte djiness tou: Glan ko tsiro, kay i phoub tele djala, vell i pharo tsiro ap i menshende.

O Debleskro Drom 2021 (Sinte)

¹ Kowa hunte djiness tu: Glan ko tsiro, kai i phub tele djala, well i pharo tsiro ap i menshende.

2. Timoteo 3:1 ပူးပေါင်းရင်းမြစ်များ

1. Mose 49:1

Oun o Yakob das peskre čaven gole oun penas: Avenn khetne! Me penau t'menge, hoy t'menge djala an ko tsiro, kay vella.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jeremia 48:47

I dives vell, kay krau me, te vell i menshenge dran o them Moab pale lauter mishto, penell o baro Devel. Kate herell pre, hoy o Yeremia pral o them Moab penas.

Jeremia 49:39

Pal i rah tsiro krau me, te vell i menshenge dran o them Elam pale lauter mishto. Kova penell o baro Devel.

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

Daniel 10:14

Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 12:11

Oun ko tsirestar, kay anenn le bouder gar hako dives firhen o Debleske, oun kay čivenn le koy djoungeli čilači figura pre, hi 1.290 (yek-sero-douy-sheel-te-enya-deesh) divessa.

Daniel 12:7

Oun me shounom ko morshes, kay an layntikre koola rido his, oun pral ko lengsto pani tardo his. Oun kova hadas peskro čačo oun peskro servo vast pre ap o bolepen, oun das pes sovel pash koleste, koleskro djipen gar pre herella, oun penas: “Yek tsiro oun douy tsirya oun i paash tsiro. Oun ap ko tsiro, kay o Debleskre menshe pale khetne djivenna, oun bouder gar kate te kote tradedo hi, palle hi kova lauter kerdo.”

Daniel 7:8

Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Micha 4:1

O tsiro vella, kay hi koy berga zoreles tardo, kay o baro Debleskro kheer tardo hi. Kay berga hi bareder har i tsele vavar berge. Oun pash late venn i menshe dran i tsele themma.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

2. Petro 3:3

Me kamau, te djinenn t'mer, glan ko tsiro, kay o Yezous Kristo pale vella, venna menshe pash t'mende, kay san pral t'maro patsepen. Kolla djivenn yaake har yon kamenna,

1. Johanni 2:18

Čovale, mer djivah an ko tsiro, kay i phoub bouder gar rah ačella. Oun t'mer shounan, kay ko rhorheno vella, kay hadell pes pral o Yezous Kristeste. Shounenn, boud rhorhene hi kanna kay, kay hadenn pen pral o Yezous Kristeste. Ap kova dikah mer, kay i phoub bouder gar rah ačella.

Judas 1:17

T'mer, mire phrala oun phenya, ma bistrenn kol laba, hoy t'menge kolla penan, kolen maro ray, o Yezous Kristo, bičras, te penenn le i menshenge leskre laba.

Judas 1:18

Yon penan: Glan ko tsiro, kay maro ray Yezous pale vella, venna save menshe, hoy san pral o Debleskro koova, oun djivenn yaake, har yon kamenna oun krenn, hoy o Devel gar kamella.