2. Timoteo 2:9 - O Debleskro Lab 2024 (Sinte-Manouche)

⁹ Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

O Debleskro Drom 2021 (Sinte)

⁹ Koleske lau duka ap mande. Jon pandan man an o stilepen, har te woms i marepaskro. Ninna te pandan le man an o stilepen, nai pandenn jon gar o Debleskro lab.

2. Timoteo 2:9 ပူးပေါင်းရင်းမြစ်များ

Louka 23:32

Ninna douy čilače morsha van o Yezouseha glan o foro anlo, te venn le kote ap o troushel dino.

Bičepangre 21:33

Oun ko pralstouno lourdo djas pash o Pauleste, tapras les, moukas les douy sasterne shellentsa te pandell, oun poučas halauterendar: “Koon hi kova? Oun hoy kras kova?”

Bičepangre 28:31

Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Bičepangre 9:16

Me kamau leste te sikrell, kay hounte lell yob boud douka mange ap peste.”

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Kolossarja 4:18

Me, o Paulo, činau t'menge miro vasteha kal laba: “Ačenn o Debleha!” Ma bistrenn man, kay hom an o stilepen! O Debleskro lačepen djal t'mentsa!

Kolossarja 4:3

Mangenn o Debles ninna menge, te krell lo menge i drom pre, te penas nay leskro lab i menshenge, te sikras lende, te hi o Yezous Kristo ko drom, kay anell men pash o Debleste. Kova djinan i menshe i rah tsiro gar. Har me kova i menshenge penom, vom doleske an o stilepen.

1. Tessalonikarja 1:8

T'mendar djas o lačo lab o Yezousestar, maro rayestar, doureder, gar kokres an i themma Macedonia oun Akaya. Na-a, ninna an boud vavar themma shounan i menshe, har t'mer patsenn ap o Debleste. Yaake hounte penas mer lenge bouder či pral kova.

2. Tessalonikarja 3:1

Ninna mangau t'mendar, mire phrala: Mangenn o Yezousestar, maro rayestar, menge, te nay penah leskro lab an boud vavar forya, te vell lo kote yaake sharedo, har pash t'mende.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

2. Timoteo 1:16

Me mangau o Debles miro phraleske, o Onesiforo oun i menshenge an leskro kheer, te vell lo lenge lačes. O Onesiforo kras boud kope miro dji zoreles, oun ladjas pes gar mange, har homs stildo.

2. Timoteo 1:8

Ma ladj tout, te rakress tou maro rayestar, o Yezousestar! Ma ladj tout mange, ninna te hom me kanna leske an o stilepen! Na-a, rake maro rayestar, ninna te venn douka ap toute, yaake har me lau douka ap mande, te vell o lačo lab o Yezousestar penlo. O Devel dell tout i zoor.

2. Timoteo 2:3

Yaake har i lačo kourepaskro douka ap peste lella, yaake le ninna douka o Yezous Kristeske ap toute!

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 2:14

Shounenn ninna ap i moskre! Kolen das o themeskro ray i boudi, te denn le kolen i phagi, kay kran čilačo koova, oun te sharenn le kolen, kay krenn lačo koova.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

1. Petro 4:15

Kek t'mendar hounte vell i marepaskro, i čorepaskro, i čingepaskro, i phoukepaskro! Kalla menshe lenn i phagi i menshendar oun hounte ladjenn.