2. Timoteo 2:6 - O Debleskro Lab 2024 (Sinte-Manouche)

⁶ O harho, kay phares boudrella, hi o glanstouno, kay rhal kolestar, hoy dran i phoub vas.

O Debleskro Drom 2021 (Sinte)

⁶ O hacho, kai phares budrella, hi o glanstuno, kai chal kolestar, hoi dran i phub was.

2. Timoteo 2:6 ပူးပေါင်းရင်းမြစ်များ

Gosewe laba 27:18

Kova, kay ap peskro faygetikro rouk yak della, kova rhal lestar ninna. Oun kova, kay ap peskro rayeste lačepen krell, vell lestar sharedo.

Mateo 20:1

Oun o Yezous penas lenge, har kote hi, kay dell o Devel menshen pash peste gole, te djan le ap leskro drom. O Devel hi har i ray, koles his i kotar them, kay drakengre rouka tardo hi. Sik taysarlake djas lo an o foro dren, oun rodas peske i boudepangren, te boudrenn le ap leskro kotar them.

Mateo 25:16

Oun ko morsh, kay kol panč gone pherdo roup las, kova djas sik pash i bikepangre, ginas oun bikras boud koova, oun anas panč vavar gone pherdo roup khetne pashel.

Louka 10:2

Oun yob penas ap lende: “Boud djob hi vin tardo, te vell lo an o kheer dren anlo. Yaake hi boud menshe koy, kay kamenn pash o Debleste te vell. Oun hi gar doha boudepangre koy, te anenn le len pash leste. Doleske mangenn o Deblestar, te bičrell lo boudepangren, kay leske boudrenna!

1. Korintarja 9:23

Kova lauter krau me, te patsenn boud ap o lačo lab o Yezous Kristestar, te lap ninna kova, hoy mange o Devel an peskro lab penella.

2. Timoteo 2:7

Mouk an tiro shero trouyel te djal, hoy penom touke! Oun o ray Yezous dell tout o gosvepen, te hayvess kova lauter.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Hebrearja 6:7

Mer menshe ham har i phoub, ap late boud kope o brishin das. O Devel dikell lačes ap koleste, kay hi har koy phoub, hoy lell o brishin an peste dren, oun anell lačo koova vin kolenge, kay boudrenn koy.