2. Timoteo 2:2 - O Debleskro Lab 2024 (Sinte-Manouche)2 Tou hals pashel, har penom boud menshen o Debleskro lab. Kova, hoy shounal mandar, sike kanna vavar patslen, kay krenn, hoy tou lenge peneh, oun kolendar tou djineh, te hayvenn le mishto o Debleskro lab te penell! အခန်းကိုကြည့်ပါ။O Debleskro Drom 2021 (Sinte)2 Tu hals pashel, har penom bud menshen o Debleskro lab. Kowa, hoi shunal mandar, sike kanna wawar patslen, kai krenn, hoi tu lenge peneh, un kolendar tu djineh, te haiwenn le mishto o Debleskro lab te penell! အခန်းကိုကြည့်ပါ။ |
Oun tou Esra, čip o gosvepah, hoy tiro Devel tout dell, čačepangren oun rakepangren an i boudi dren, te rakrenn le o čačepen vin i tsele menshenge, kay vergel o panyestar Eufrat djivenna, halauterenge, kay i laba tiro Deblestar prindjrenn. Oun koon kal laba gar prindjrell, koleske sikrenn, hoy t'maro Devel lestar kamell!
Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.
Me sikrom tout, har te djas ap o Debleskro drom, oun tou ačal ap leskro drom, oun djival yaake, har me touke glan djivom. Tou kameh kova, hoy me ninna kamau. Tou dikal, har me patsau ap o Yezous Kristeste. Oun tou djineh, har rikrom ap o patsepen. Tou djineh ninna, har kamom i vavaren o djiyestar, oun har rikrom lauter vin.