2. Timoteo 2:10 - O Debleskro Lab 2024 (Sinte-Manouche)

¹⁰ Me lau kova lauter ap mande kol menshenge, kolen o Devel vin rodas, te lenn yon o djipen oun o raylepen, hoy gar pre-herella. Kova dell len o Yezous Kristo.

O Debleskro Drom 2021 (Sinte)

¹⁰ Me lau kowa lauter ap mande kol menshenge, kolen o Dewel win rodas, te lenn jon o djipen un o railepen, hoi gar pre-herella. Kowa dell len o Jesus Kristo.

2. Timoteo 2:10 ပူးပေါင်းရင်းမြစ်များ

Gosewe laba 8:35

Ko mensho, kay man hatsas, kova hatsas o djipen, oun o baro Devel dikell lačes ap leste.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Louka 22:57

O Petro das bourhoste oun penas: “Romniya, me prindjrau les gar.”

Johanni 11:52

oun gar i biboldenge kokres. Yob hounte merella ninna, te anell lo i tsele Debleskre čaven khetne.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Johanni 17:9

Kolenge mangau me. Me mangau gar kol vavar menshenge ap kay phoub. Me mangau kolenge, kay tou man dal. Yon hi tire.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

2. Korintarja 1:6

Te vell pharo koova ap mende, vell kova, te venn t'mare djia zoreles, oun te lenn t'mer o Debleskro djipen. Te kras o Devel mare djia zoreles, venn ninna t'mare djia zoreles. Oun t'mer nay rikrenn kol douka vin, hoy ap mende ninna hi.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Korintarja 4:15

Kova lauter, hoy lah ap mende, krah t'menge. Mer kamah, te vell o Debleskro kamlepen pash boud menshende prindjedo, te parkrenn pen boud oun boudeder pash leste, oun sharenn les.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Efesarja 3:13

Doleske mangau t'men: Ma avenn gar khino an t'maro patsepen, ninna te shounenn t'mer, kay me t'menge stildo hom. Kova, hoy lau ap mande, sikrell t'mende, har boud t'mer mange moldo han.

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

1. Tessalonikarja 5:9

O Devel kamell gar, te vell leskri rholi pral mende. Na-a, yob kamell, te dell men maro ray, o Yezous Kristo, o Debleskro djipen.

2. Tessalonikarja 2:14

Har penam t'menge o lačo lab o Yezous Kristestar, das o Devel t'men gole, te lenn t'mer o raylepen, hoy hi ninna maro rayes, o Yezous Kristes.

2. Timoteo 1:1

Me, o Paulo, činau kava liil. Yaake har o Devel kamas, bičras man o Yezous Kristo, te penap i menshenge, kay o Devel kamell len ko djipen te dell, hoy gar pre-herella. Ko djipen dell lo kolen, kay ap o Yezous Kristeste patsenna.

2. Timoteo 2:1

Tou, miro čavo Timoteo, vess zoreles an o patsepen! O Yezous Kristo dell tout koy zoor.

2. Timoteo 2:3

Yaake har i lačo kourepaskro douka ap peste lella, yaake le ninna douka o Yezous Kristeske ap toute!

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

1. Petro 2:10

Glan i rah tsiro hans t'mer gar leskre menshe. Kanna han t'mer o Debleskre menshe. Glan i rah tsiro djinan t'mer gar, kay hi les i baro dji t'menge. Kanna kras lo peskro dji t'menge pre.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.