2. Timoteo 1:6 - O Debleskro Lab 2024 (Sinte-Manouche)

⁶ Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

O Debleskro Drom 2021 (Sinte)

⁶ Doleske mangau tut: Muk koi soor an tute te budrell, hoi o Dewel tut das! Tu lal koi soor, har mangom o Debles tuke, un har tchiwom tuke i wasta pre.

2. Timoteo 1:6 ပူးပေါင်းရင်းမြစ်များ

2. Mose 35:26

Vavar djouvya, kay hayvan oun kaman thaba te krell dran bouzyengro bal, kran kova ninna.

2. Mose 36:2

O Mose kharas o Bezalel oun o Oholiab pash peste, ninna kol tsele vavaren, kay o baro Devel gosvepen an lengro dji das oun vasta, te boudrenn le mishto, oun kay van pendar, te krenn le koy boudi.

Jesaja 43:26

Pen mange, hoy krom, hoy kamal tou gar! Dikas khetne ap kova, hoy t'mer kran! Rake tou, te dikap, te hal an o čačepen!

Louka 19:13

Oun yob das deesh peskre boudepangren gole, das hakeneste i sheel roupene beme, oun penas: Boudrenn kol loventsa yaake rah har me gar kay hom. Oun yob djas peske.

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

Bičepangre 6:6

Kol morshen anan le pash o Yezouseskre bičepangre. Kolla čivan i vasta ap lende, oun mangan o Debles, te dell lo len zoor oun gosvepen an lengri boudi.

1. Tessalonikarja 5:19

Moukenn o Debleskro Dourho mashkral t'mende te boudrell!

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

2. Timoteo 2:14

Pen lenge kova pale te pale! De len trad glan o Debleste, te čingrenn yon pen gar pral laba! Ko čingepen hi či moldo, oun krell o patsepen kolendar paash, kay kova lauter shounenna.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

Hebrearja 6:2

Ninna vas t'menge penlo, te moukenn t'men te taufrell, oun hoske i patslo peskre vasta ap i vavareste čivella. T'menge vas ninna penlo, te krell o Devel i moulen djido, oun te rakrell lo o čačepen pral lende vin. Kova, hoy yob len dell, – o djipen har i phagi, – kova ačell hako tsiro ap lende.

2. Petro 1:12

Ninna te djinenn kova lauter, oun han zorelo tardo an o čačo patsepen, penau t'menge kova pale te pale.

2. Petro 3:1

Lače phrala oun phenya, kava hi o douyto liil, hoy me t'menge činau. Kalla lila činau, te venn t'mer gar khino an t'maro patsepen. Ma bistrenn,

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.