2. Timoteo 1:5 - O Debleskro Lab 2024 (Sinte-Manouche)

⁵ Dikom tiro patsepen, an koleste kek rhorhepen hi. Kava patsepen his ninna an tiri mamyate Lois, oun an tiri date Eunike. Oun me djinau, kay djivell kava patsepen ninna an toute.

O Debleskro Drom 2021 (Sinte)

⁵ Dikom tiro patsepen, an koleste kek chochepen hi. Kau patsepen his ninna an tiri mamjate Lois, un an tiri date Eunike. Un me djinau, kai djiwell kau patsepen ninna an tute.

2. Timoteo 1:5 ပူးပေါင်းရင်းမြစ်များ

Debleskri gili 116:16

Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

Debleskri gili 17:1

I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!

Debleskri gili 18:44

Tou lal man vin dran o čingepen mire menshentsa, oun kral man o ray pral i menshende dran vavar themma, Menshe, kolen me gar prindjrom, boudrenn mange.

Debleskri gili 22:10

Tou, mo Devel hals kova, kay kras te vom boldo, tou moukal man kek daryah te sovell ap o beč miri datar.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Debleskri gili 77:6

Mange vas o phouro tsiro an o shero, kol bersha, hoy glan i rah tsiro his, stan an mande pre.

Debleskri gili 81:15

Sik anoms ladj ap kolende, kay ap lende djan, oun čivoms miro vast phares ap lende.

Debleskri gili 86:16

Risse tout pash mande, oun ab mange lačes! Hom tiro boudepaskro, – de man tiri zoor! Ninna miri day his tiri boudepaskretsa, doleske ab ap miri rig!

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

Bičepangre 16:1

Yon van ninna an i forya Derbe oun Listra. Koy his i terno patslo morsh. Kova kharas Timoteo. Leskri day his i biboldetsa. Oun yoy his patslo. Leskro dad his kek biboldo.

Bičepangre 26:26

O baro ray Agrippa djinell kova lauter. Man hi kek traash, te rakrap leha pral halauter. Me djinau, yob shounas kova lauter. Kova, hoy koy djas, ačas gar khatedo.

Remarja 14:14

Me djinau zoreles, – maro ray Yezous sikras man kova: Dell či, hoy hi pale-čiddo an peste. Kova kokres, kay patsell, te krell čomone les pale-čiddo, koleske hi kova pale-čiddo.

Remarja 14:5

Yekeske hi yek dives i Debleskro dives, ko vavareske hi lo kova gar. Hakeno hounte djinella peske, kova, hoy yob krella, hi čačo oun lačo.

Remarja 15:14

Mire phrala, me djinau čačepah, t'maro dji hi pherdo lačepen. Oun t'mer djinenn lauter, hoy o Devel t'mendar kamella. Yaake nay sikrell ko yek o vavareste o čačo drom.

Remarja 4:21

Peskro tselo djiyeha djinas lo, o Devel nay krell kova, hoy yob penas.

Remarja 8:38

Me djinau zoreles: Či nay lell o Debleskro kamlepen mendar krik: kek merepen, kek djipen, kek bolepangre, vitar kek čilače zorya. Či, hoy ap mende vella, kanna oun an ko tsiro, hoy vella,

2. Korintarja 6:6

Maro djipen sikrella, te ham o Debleskre boudepangre. Mer djivah i djoudjo djipen oun djinah, hoy o Devel kamella. Mer vah gar khino an mare djia, ham kamlo, oun krah, hoy o Debleskro Dourho menge penella. Oun an maro kamlepen hi kek rhorhepen.

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

2. Timoteo 3:15

Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

Hebrearja 6:9

Kamle mala, ninna te rakrah yaake, patsah zoreles, te han t'mer ap i feteder drom. Ko drom anell t'men pash o Debleste.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!