2. Timoteo 1:10 - O Debleskro Lab 2024 (Sinte-Manouche)

¹⁰ Kanna vas o Yezous Kristo, te sikrell lo men o Debleskro lačepen. O Yezous Kristo las men dran o čilačepen vin, oun kras, te vell o merepen bouder kek zoor pral mende. Yob anas menge ko djipen, hoy ačella, har peskro lačo lab penella.

O Debleskro Drom 2021 (Sinte)

¹⁰ Kanna was o Jesus Kristo, te sikrell lo men o Debleskro latchepen. O Jesus Kristo las men dran o tchilatchepen win, un kras, te well o merepen buder kek soor pral mende. Job anas menge ko djipen, hoi atchella, har peskro latcho lab penella.

2. Timoteo 1:10 ပူးပေါင်းရင်းမြစ်များ

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 45:15

Čačepah, tou hal i Devel, kay rikrell pes khatedo, tou o Devel pral o Israel, tou leh dran o čilačepen vin!

Jesaja 45:21

Avenn oun sikrenn, te hi t'men čačo. Rakrenn khetne oun krenn vin, hoy kamenn te penell! Koon hi kova, kay moukas glan i rah tsiro te shounell, hoy kanna djal? Koon penas kova glan-vi? Homs me kova gar, o baro Devel? Oun dell kek vavar Devel har man. Me hom i Devel, kay o čačepen penell oun krell. Oun i Devel, kay dran o merepen vin lell, hom me kokres oun kek vavar.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Louka 11:36

Te rhačell i momeli an o tselo kheer, oun či ačella an o tamlepen, palle hi kova yaake, har te dikenn le i momeli dran hake valya.”

Louka 13:7

Koy penas yob ap koleste, kay dell garda ap ko baar: Triin bersha vom me kanna kay, oun rodom fayge ap kava rouk, oun hatsom kek. De les tele! Ko rouk hi čičeske kate tardo.

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.

Johanni 1:9

Koy čači momeli vas ap i phoub, te rhačell li hakeneske.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 4:42

Yon penan koy djouvyake: “Kanna patsah mer ap leste, oun gar kokres, hoy tou menge lestar penal. Mer shounam les, oun djinah kanna, kay yob kova hi, kay lell i menshen dran o čilačepen oun o merepen vin.”

Johanni 5:40

Pash mande kamenn t'mer gar te vell, te lenn ko djipen, hoy gar pre-herella.

Bičepangre 13:23

Dran o Davideskre menshende moukas o Devel o Yezouses te vell, har yob kova glan i rah tsiro penas. O Yezous hi kova, kay lell mare menshen dran o čilačepen oun o merepen vin.

Bičepangre 5:31

Koles hadas o Devel oun beshas les ap peskri čači rig, te vell lo ray oun lell i menshen dran o čilačepen oun o merepen vin. Kova kras o Devel, te moukenn i menshe an o them Israel pengro phouro djipen, yaake te nay lell lo lengri doosh lendar krik.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Remarja 3:31

Vitsrah mer kanna kol laba ap i rig, kay o Devel penella, har te djivas? Na-a, kanna, kay patsah, nay krah čačepah, hoy o Devel kamella.

Remarja 6:6

Mer djinah, maro phouro djipen vas leha ap o troushel dino oun meras, te vell o čilačepen bouder gar o ray pral mende.

1. Korintarja 15:26

Ko palstouno, kolendar o Yezous Kristo i zoor krik lella, hi o merepen.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

2. Korintarja 5:4

Yaake rah, har djivah ap kay phoub, hi menge ropaske oun men hi douka. Mer kamah ko phouro troupo gar tele te čivell, kamah boudeder ko nevo troupo an-rivell, hoy bouder gar merella.

Galatarja 5:4

Koon mank t'mende djivell pal o Moseskre laba, te vell lo čačo glan o Debleste, kova moukas o Yezous Kristes. Leskro kamlepen hi bouder gar leske koy.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

2. Tessalonikarja 2:8

palle sikrell pes ko čilačo mensho, har yob čačepah hi. Koles marell maro ray Yezous ap ko dives, kay vell lo pale. Yob phourdell ap leste, oun kova merella.

2. Timoteo 1:1

Me, o Paulo, činau kava liil. Yaake har o Devel kamas, bičras man o Yezous Kristo, te penap i menshenge, kay o Devel kamell len ko djipen te dell, hoy gar pre-herella. Ko djipen dell lo kolen, kay ap o Yezous Kristeste patsenna.

2. Timoteo 1:8

Ma ladj tout, te rakress tou maro rayestar, o Yezousestar! Ma ladj tout mange, ninna te hom me kanna leske an o stilepen! Na-a, rake maro rayestar, ninna te venn douka ap toute, yaake har me lau douka ap mande, te vell o lačo lab o Yezousestar penlo. O Devel dell tout i zoor.

2. Timoteo 4:1

Kova, hoy kanna penau touke, penau glan o Debleste oun glan o Yezous Kristeste, kay krell o čačepen vin pral i djidende oun i moulende. Yob, kay vell pale, te vell lo baro ray pral i tsele menshende, kova shounell, hoy touke penau:

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

Tito 2:11

Yaake sikras o Devel, har baro peskro lačepen i tsele menshenge hi. Yob kras i drom, te lell lo len dran o čilačepen oun o merepen vin.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Tito 3:4

Kova lauter vas vavarčandes, har o Devel mende sikras, har lačo oun kamlo yob ap i menshende hi. Yob las men dran o čilačepen vin

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

2. Petro 1:11

Oun o Devel lell t'men lačes pash peste an o bolepen pre, kay hi maro ray, o Yezous Kristo, o ray hako tsiro, – yob, kay las men dran i tseli bibarht vin.

2. Petro 1:3

Yob hi baro oun raylo, oun his menge lačo, oun das men pash peste gole. Har lam les an maro dji pre, das men o Devel an peskri zoor halauter, hoy men hounte vell, te djivas maro djipen yaake, har yob kamella.

2. Petro 2:20

Yon hayvan, kay maro ray, o Yezous Kristo, lenge meras, oun dan pengro phouro djipen pre. Oun palle van le ap ko djoungelo drom pale. Kanna hi lengro djipen djoungleder har glan ko tsiro.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

2. Petro 3:2

hoy penan o Debleskre rakepangre glan i rah tsiro! Bistrenn vitar gar kol laba, hoy t'menge kolla penan, kolen maro ray Yezous pash t'mende bičras, – yob, kay las men dran o čilačepen vin.

1. Johanni 1:2

Ava, ko djipen vas pash mende, oun sikras pes mende. Mer dikam les. Doleske rakrah mer kolestar, kay dikam oun shounam. Oun mer penah t'menge, koon ko djipen della, hoy gar pre-herella. Kova his pash peskro dadeste an o bolepen, oun vas pash mende.

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

Debleskro tsiro 18:1

Pal kova dikom i vavar bolepaskres, kay dran o bolepen tele vella. Koles his i bari zoor. Oun i phoub vas pherdo leskro raylepen.

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”

Debleskro tsiro 20:14

Oun o merepen oun o moulengro them van an i bari yag vitsedo, ninna hakenes, koneskro lab gar an o djipaskro liil dren činlo hi. Koon an i bari yag vitsedo vella, merell o douyto kopo.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.