2. Tessalonikarja 3:8 - O Debleskro Lab 2024 (Sinte-Manouche)

⁸ rham pash kekeste čičeske. O dives oun i rati boudram, te djivas mer gar t'mare lovendar.

O Debleskro Drom 2021 (Sinte)

⁸ cham pash kekeste tchitcheske. O diwes un i rati budram, te djiwas mer gar tumare lowendar.

2. Tessalonikarja 3:8 ပူးပေါင်းရင်းမြစ်များ

2. Rajengro liil 6:2

Mer kamah pash o Yordan te djal, te las menge rouka, oun krah menge i bareder kheer, kay mer khetne vah.” Yob penas: “Djan koy!”

Nehemia 5:18

Oun kova, hoy an yek dives o rhapaske koy hounte his, his yek groumni, shob thoulle bakre, ninna papya oun karhya. Oun hako deshto dives ginom boud nevi mool. Ninna te ginom yaake boud rhapen, lom me gar kova, hoy i themeskro rayeste hounte vals dino. Kova, hoy i menshe hounte playsrenn, his phares doha.

Gosewe laba 31:27

Yoy dikell pal lauter, hoy an o kheer kerdo vell. Oun ko mareske, hoy li rhal, boudras li.

Mateo 6:11

De men maro maro hako dives!

Bičepangre 18:3

Oun har yob koy emligi boudi kras har yon, ačas lo pash lende oun boudras lentsa.

1. Korintarja 4:12

Mer marah men tele mare vastentsa, te vell men čomone te rhal. Yon praasenn men, oun mer rakrah o Debleskri barht pral lende vin. Yon te lenn men palla, rikrah mer vin.

1. Korintarja 9:4

Hi men gar ko čačepen, te rhas oun te piyas pash t'mende?

2. Korintarja 11:27

Me marom man tele oun man his boud boudi. Boud kope sovom gar. Man his troush oun bok. Boud kope rhom či. Mange his shila oun man his či an-ripaske.

2. Korintarja 11:9

Har me pash t'mende homs, oun mange his gar doha djipaske, mangom kekestar t'mendar čomone. I patsle phrala, kay van dran o them Macedonia, anan mange yaake boud, te nay djivom pash t'mende. Yaake perom kekeske t'mendar ap i possita. Oun yaake kamau kova ninna te krell an ko tsiro, hoy vella.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Tessalonikarja 4:11

Djivenn t'maro djipen yaake, te nay rakrenn i menshe gar djoungeles pral t'mende! Krenn t'mari boudi! Boudrenn yaake, te vell t'men doha djipaske, yaake har t'menge penam!

2. Tessalonikarja 3:12

Kolenge penah mer an o lab maro rayestar, o Yezous Kristestar, te boudrenn le, te nay ginenn le penge, hoy len hounte vell djipaske.