2. Tessalonikarja 3:14 - O Debleskro Lab 2024 (Sinte-Manouche)

¹⁴ Yek te krell kova gar, hoy mer an kava liil činam, penenn kova i vavar patslenge, oun rikrenn t'men lestar pale, te vell i ladj pral leste!

O Debleskro Drom 2021 (Sinte)

¹⁴ Jek te krell kowa gar, hoi mer an kau liil tchinam, penenn kowa i wawar patslenge, un rikrenn tumen lestar pale, te well i ladj pral leste!

2. Tessalonikarja 3:14 ပူးပေါင်းရင်းမြစ်များ

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Debleskri gili 83:16

Biče i baro phourdepen oun trade len krik! Kre lenge daar tiro zorelo dourheha!

Gosewe laba 5:13

Hoske shounom gar ap mire sikepangre, oun dom yak ap lengro rakepen?

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Zefanja 3:2

Te dell yek kol menshen kote trad, shounenn le gar, oun moukenn penge či te penell. Ap o baro Debleste rikran le pen gar, pengro Deblestar kamenn le či te djinell.

4. Mose 12:14

O baro Devel penas ap o Moseste: “Te čoungrals lakro dad lat an o mouy, hounte ladjals yoy efta divessa. Moukenn lat kokres efta divessa vin glan koy platsa, kay i plarhtene khera hi! Pal kova lenn lat pale pash t'mende!”

Mateo 18:17

Te shounell lo kava kopo vitar gar ap t'mende, palle pen les i patslenge an i kangri. Oun te shounell lo gar ap kolende, palle vell lo t'menge har i morsh, kay prindjrell o Debles gar oun har i pale-čiddo.

Remarja 16:17

Mire phrala, me mangau t'men, denn yak, te shounenn t'mer gar ap kolende, kay anenn čingepen mank i patslende oun sikrenn o Debleskro drom vavarčandes har kova, hoy t'mende siklo vas, oun krenn t'maro patsepen paash! Rikrenn t'men lendar pale!

1. Korintarja 4:14

Me činau t'menge kova gar, te krap t'menge ladj. Na-a! T'mer han mire kamle čave. Doleske penau t'menge kova, te ačenn ap o čačo drom.

1. Korintarja 5:11

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

1. Korintarja 5:9

Glan i tsiro činom me t'menge i liil. Oun an ko liil penom t'menge, te venn t'mer gar mala kol menshendar, kay krenn vi-ladjedo koova.

2. Korintarja 10:6

Te dikah mer, kay t'mer shounenn mishto ap lauter, hoy mer t'menge penam, palle rikrah men gar pale, te das lauter kolen i phagi, kay kamenn gar te shounell.

2. Korintarja 2:9

Ko liil činom t'menge ninna, te dikap, har shounenn ap mande an hako koova.

2. Korintarja 7:15

Kanna hi leskro kamlepen gomme bareder t'menge. Yob dikas t'mari traash har t'mer les pre lan, ninna dikas lo, kay kran t'mer lauter, hoy me t'menge penom.

5. Mose 16:12

Oun ma bistrenn, te hans t'mer pandle boudepangre an o them Egiptia. Oun denn yak ap kal laba, te rikrenn t'men ap lende!

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

Kolossarja 4:16

T'mer te draveran kava liil, palle denn les ninna i patslende, kay venn khetne an o foro Laodicea. Oun draverenn ninna ko liil, hoy činom kolenge!

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

Tito 2:8

Pen les lenge yaake, te nay penell kek, kay kova gar čačo hi, hoy tou peneh! Palle nay rakrenn kolla gar djoungeles pral mende, kay hi rhoyemen ap mende. Na-a, yon ladjenn pen.

Tito 3:10

Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!

Filemon 1:21

Me djinau, te shouneh ap mande oun kreh ninna boudeder har me toutar mangom. Doleske činom touke kava liil.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

2. Johanni 1:10

Te vell yek pash t'mende, oun penell t'menge vavar koova har kova, hoy o Yezous Kristo menge penas, koles lenn gar an t'maro kheer! Parkrenn les vitar gar!