2. Tessalonikarja 3:13 - O Debleskro Lab 2024 (Sinte-Manouche)

¹³ T'mer, mire phrala, ma avenn khino te krenn kova, hoy lačo hi!

O Debleskro Drom 2021 (Sinte)

¹³ Tumer, mire phrala, ma awenn khino te krenn kowa, hoi latcho hi!

2. Tessalonikarja 3:13 ပူးပေါင်းရင်းမြစ်များ

Debleskri gili 27:13

Me djinau, te dikau me o lačepen o baro Deblestar an kava djipen.

Zefanja 3:16

An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!

Maleachi 1:13

Oun t'mer penenn: Dikenn, havi boudi hi men koleha! Ko vell menge dran o nak vin. T'mer anenn mange firhen, kay hi čoredo, bango oun nasselo. Penap me koy pre: Kova hi shoukar, hoy t'mer mange krenn, penell o baro Devel.

Louka 18:1

Oun o Yezous penas lenge laba, kay i khatedo čačepen dren hi, te sikrell lo len, te hounte mangenn le o Debles hako tsiro, oun te hounte moukenn le gar tele, te denn le les gole. Oun yob penas:

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

1. Korintarja 15:28

Te vas o Yezous Kristo o ray pral halauter, čivell yob pes ninna tel o Debleskro vast, te vell o Devel ninna o ray pral o čaveste. Oun o Devel kokres hi o ray pral halauter.

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

2. Korintarja 4:16

Doleske vah mer gar khino, ninna te moukell men mari zoor. Ko djipen, hoy o Devel an mende das, vell hako dives pale neves.

5. Mose 20:8

Oun i pralstoune hounte poučenn i morshendar pale: Hi mank t'mende yek, koles daar hi, oun koleskro dji trissella? Kova hounte djal pale an peskro kheer, te krell lo gar i djia peskre phralendar darenes.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

2. Tessalonikarja 3:15

Ma dikenn ap leste har ap yekeste, kay kras t'menge čilačo koova. Na-a, yob hi t'maro phraal. Penenn leske, hoy yob gar mishto kras, te vell lo pale ap o čačo drom!

Hebrearja 12:3

Dikenn, havo čilačo koova i čilače menshe ap leste kran, te venn t'mer gar khino an t'mare djia, oun te ačenn zoreles an o patsepen!

Hebrearja 12:5

Ma bistrenn kol laba, hoy rakras o Devel peskre čavenge an o dji: Dikenn mire čave, kova hi t'menge mishto, te dap t'men i phagi. Te čingrau ap t'mende, ma nashenn mandar!

Debleskro tsiro 2:3

T'mer dan t'maro patsepen gar pre, oun lan i pharo djipen mange ap t'mende, oun t'mer van gar khino an t'mari boudi mange.