2. Tessalonikarja 2:13 - O Debleskro Lab 2024 (Sinte-Manouche)

¹³ Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

O Debleskro Drom 2021 (Sinte)

¹³ Mire phrala, mer hunte parkras men tumenge pash o Debleste hako tsiro. Maro rai Jesus kamell tumen o djijestar. Glan i rah tsiro, har o Dewel kras o bolepen un i phub, rodas lo tumen win, te djiwenn leha khetne an leskro railepen. Har patsan tumer leskro tchatcho lab, das lo peskro Ducho an tumende. Un kowa krell, te djiwenn tumer i djudjo djipen glan leste.

2. Tessalonikarja 2:13 ပူးပေါင်းရင်းမြစ်များ

1. Mose 1:1

Glan i rah rah tsiro kras o Devel o bolepen oun i phoub.

2. Samuel 12:25

oun moukas peskro rakepaskro Natan o Davideske kova te penell. Doleske das o Natan les ko lab Yedidja. Kova kharell: O baro Devel kamell les.

Gosewe laba 8:23

Me homs koy glan hako tsiro, har i phoub gomme gar kerdo vas.

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Jeremia 31:3

O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

Daniel 10:11

Oun yob penas ap mande: “Daniel, tou hal kouč o Debleske! De yak ap kol laba, hoy me touha rakrau! Oun ste pre! Me vom kanna pash toute bičedo.” Oun har yob kava mantsa rakras, stom me pre, oun mire tsele kokale trissan ap mande.

Daniel 10:19

oun penas: “Ma dare gar! Tou hal kouč o Debleske! Lauter te djal touke mishto! Ab zorelo, ab zorelo!” Oun har yob mantsa rakras, vom me zorelo, oun penom: “Miro ray, rake! Tou dal man zoor.”

Daniel 9:23

Har mangal o Debles, oun rakral tire erste laba vin, lom i lab lestar. Oun me vom, te penap touke kava lab. Tou hal kouč o Debleske. Kanna de yak, hoy penau, te hayvess, hoy ko dikepen kamell te penell.

Louka 1:75

yaake te djivas mer leske i djoudjo oun lačo djiyeha yaake rah, har djivah.

Johanni 1:1

Har o bolepen oun i phoub gar koy his, his o Lab koy. Kova, kay hi o Lab, his pash o Debleste. Oun yob his o Devel.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Bičepangre 13:48

Har kolla, kay hi kek bibolde, kova shounan, van le barhtelo, oun sharan o Debleskro lab. Oun lauter kolla van patslo, kay o Deblestar vin rodedo van, te lenn yon ko djipen, hoy gar pre-herella.

Bičepangre 15:9

Leske hi yon gar vavarčandes har mer, i bibolde. Yon te patsenn ap leste, palle krell lo lengro dji djoudjo.

Remarja 6:17

Me sharau o Debles. T'mer hans pandlo ap o čilačepen, oun kanna shounenn t'mer o tselo djiyeha ap o lačo lab, hoy mer t'menge o Yezous Kristestar penam.

Remarja 8:33

Kek nay anell i doosh ap kolende, kolen o Devel peske vin rodas. O Devel čivas len an o čačepen.

Remarja 9:11

Har i čave gomme gar boldo his, penas o Devel lake: I tsiro vella, kay boudrell o phoureder čavo o terneder čaveske. Har yob kova penas, kras kek lendar i lačo koova, vitar kek čilačo koova. Yaake dikah, lauter vella, har o Devel kamella. Te rodell lo yekes vin, krell lo kova yaake, har yob kamella. Yob dikell gar ap kova, hoy yek kras.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Efesarja 2:8

Dran peskro lačepen las lo t'men dran o čilačepen vin, har patsan ap o Yezous Kristeste. T'mer van nay gar dran t'mari zoor dran o čilačepen oun o merepen vin. Na-a! O Devel las t'men vin.

5. Mose 33:12

Ap o kheer Benyamin penas lo: Tou hal kova, koles o baro Devel peskro tselo djiyeha kamell, oun peskre vasta pral leste rikrell! O tselo dives dell lo ap toute yak, oun djivell mashkral toute.

Kolossarja 1:5

T'maro patsepen oun kamlepen vell dran kova, kay dikenn t'mer ap ko dives, kay djivenn t'mer o Debleha khetne an o bolepen. Kova shounan t'mer ap ko tsiro, har t'menge o lačo lab o Yezous Kristestar penlo vas. Oun ko lab hi čačo.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

1. Tessalonikarja 1:4

Mire phrala, o Devel kamell t'men o djiyestar. Mer djinah, yob rodas t'men vin, te djivenn leha khetne.

1. Tessalonikarja 4:7

O Devel das men gole, te djivas i djoudjo djipen. Yob das men gar gole, te kras djoungelo koova.

1. Tessalonikarja 5:9

O Devel kamell gar, te vell leskri rholi pral mende. Na-a, yob kamell, te dell men maro ray, o Yezous Kristo, o Debleskro djipen.

2. Tessalonikarja 1:3

Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

2. Tessalonikarja 2:10

Oun rhorhepah anell lo kolen ap o čilačo drom, kay djan nashedo. Kolla hi kol menshe, kay kaman gar o čačepen te shounell. Te patsans le o čačepen, nay vans le vin lino dran o čilačepen oun o merepen.

2. Tessalonikarja 2:12

Yaake lenn kolla pengri phagi, kay kaman o čilačepen boudeder har o čačepen.

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,

2. Timoteo 1:9

Yob las men dran o čilačepen vin, oun das men gole, te djivas leha khetne. His gar dran maro lačo koova, te das lo men gole. Na-a. Kova his an leskro dji, te vas lo menge lačes. Har o bolepen oun i phoub gomme gar koy his, his an leskro dji, te bičrell lo o Yezous Kristes menge ap i phoub.

2. Timoteo 2:15

Kre lauter, te vess i lačo boudepaskro o Debleske, oun hounte ladjess tout gar koleske, hoy tou kreh! Pen o Debleskro lab yaake, har čačo hi!

2. Timoteo 3:15

Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.

Hebrearja 1:10

Pale penas lo ap leste: Tou hal o baro ray, oun kral i phoub glan i rah tsiro. Oun tire vasta kran o bolepen.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

1. Johanni 4:10

Kava hi o Debleskro kamlepen: Hi gar yaake, kay mer kamam o Debles. Na-a, yob kamas men, oun bičras peskro čaves, te lell yob mari doosh ap peste.

1. Johanni 4:19

O Devel kamas men o djiyestar. Doleske kamah mer o Debles oun i menshen ninna.