2. Tessalonikarja 2:11 - O Debleskro Lab 2024 (Sinte-Manouche)

¹¹ Yon patsan gar o čačepen. Doleske moukell len o Devel an ko rhorhepen te perell. Doleske moukell lo len kol rhorhene laba te patsell.

O Debleskro Drom 2021 (Sinte)

¹¹ Jon patsan gar o tchatchepen. Doleske mukell len o Dewel an ko chochepen te perell. Doleske mukell lo len kol chochene laba te patsell.

2. Tessalonikarja 2:11 ပူးပေါင်းရင်းမြစ်များ

1. Mose 39:19

Har o Potifar kol laba peskri romyatar shounas, har yoy penas yaake kras tiro boudepaskro mantsa, vas yob an i bari rholi.

Debleskri gili 109:17

Yob kamas o praasepen. Yaake mou vell kova ninna ap leste! Yob kamas gar te rakrell i barht pral yekeste vin. Kanna, mou ačell i barht dour lestar!

Jesaja 44:20

Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

Jesaja 66:4

Doleske hi mange shoukar, te anap len an i bibarht. Oun anau kova pral lende, glan leste yon yaake darenna. Me dom ap lende gole, oun kek shounas oun kek rakras pale. Me dom len trad, oun kek das pre yak. Ava, yon kran kova, hoy an mire yaka čilačo hi, oun lenge his shoukar, te krenn le kova, hoy an mire yaka djoungelo hi.

Jeremia 27:10

Kal menshe penenn t'menge rhorhepen. Te patsenn t'mer lenge, venn t'mer dran t'maro them krik anlo. Me tradau t'men mandar krik, oun t'mer merenna.

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Ezekiel 21:29

Doleske penell o baro Devel, maro ray: T'mari doosh vas diklo. T'mare čilače dromma van pre-čakedo. An halauter, hoy krenna, vell t'maro čilačepen diklo. T'mer kran, te vell t'mari doosh gar bistedo. Doleske venn tapedo i zorelo vasteha.

Mateo 24:11

Ninna venna boud rhorhene rakepangre oun penenna, te hi le bičedo o Deblestar. Kolla anenn boud menshen o čačo dromestar tele.

Mateo 24:5

Boud morsha venna oun penenna: Me hom o Kristo, ko baro ray, kolestar o Devel penas, te vell yob! Oun boud menshe patsenn ap lengro rhorhepen.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

1. Tessalonikarja 2:3

Yaake nay dikenn t'mer, kova, hoy t'menge penam, vas gar dran i čilačo dji, oun hi kek rhorhepen. Vitar gar kamam t'men goseve labentsa te taprell.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

2. Timoteo 4:4

Palle shounenn yon bouder gar ap o čačepen. Yon shounenn ap rhorhene parmisse.