2. Tessalonikarja 1:8 - O Debleskro Lab 2024 (Sinte-Manouche)

⁸ oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

O Debleskro Drom 2021 (Sinte)

⁸ un i jag hi trul lende. Palle well o Debleskri choli pral kolende, kai kaman lestar tchi te djinell, kolla kai shunan gar ap o latcho lab maro rajestar, o Jesusestar, un kaman gar ap leskro drom te djal.

2. Tessalonikarja 1:8 ပူးပေါင်းရင်းမြစ်များ

1. Mose 3:24

Oun o Devel tradas len vin. Glan i baar Eden, ap koy rig, kay o kham pre djal, čivas o Devel bolepangre i rhareha, hoy rhačella oun djal yek rigyatar ap i vavar, te denn le garda, te djal kek pash ko rouk, hoy della o djipen.

2. Samuel 23:7

Te kameh len te taprell, hounte vell tout saster oun i lengsto kasht an o vast, oun hounte rhačess len pre, kote kay yon hi.

Debleskri gili 18:44

Tou lal man vin dran o čingepen mire menshentsa, oun kral man o ray pral i menshende dran vavar themma, Menshe, kolen me gar prindjrom, boudrenn mange.

Debleskri gili 79:6

Čore tiri rholi ap kol menshende vin, kay tout gar prindjrenna, ap kol themma, kay tout gar an-gole denna!

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

Debleskri gili 94:1

Baro Devel, tou hal o Devel, kay o čilačepen pale deh kolenge, kay vavaren čilačepen kran. Ab, oun sike tout!

2. Mose 5:2

Oun o Farao penas ap o Moseste oun ap o Aroneste: “Havo devel hi kova, kay me shounap ap leste? Hoske moukap me i Israelitarya te djal? Me prindjrau ko debles gar, oun me moukau gar i Israelitaryen te djal.”

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 1:28

Khetne phagedo venn kolla, kay o Debleskro dromestar tele djan, khetne kolentsa, kay doosh ap pende anan. Oun kolla, kay o baro Debles moukan, hounte merenn.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 61:2

Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Jeremia 10:25

Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

Jeremia 9:6

Doleske penell o baro Devel, ko ray pral o bolepen oun i phoub: Har o roup an i yag djoudjes kerdo vell, yaake kamau mire menshen doukentsa djoudjes te krell. Dell či vavares, hoy krap me nay mire menshenge.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Johanni 3:19

O Debleskri bari momeli vas ap kay phoub. Oun kol menshe, kay krenn o čilačepen, kaman o tamlepen boudeder har koy momeli. Doleske hi i phagi pral lende vi-rakedo.

Johanni 8:19

Poučan yon lestar: “Kay hi tiro dad?” Penas o Yezous: “T'mer prindjrenn man gar, vitar gar miro dades. Te prindjrans t'mer man, yaake prindjrans ninna miro dades.”

Bičepangre 6:7

O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Remarja 10:16

Gar halauter shounenn ap ko lačo lab. O Debleskro rakepaskro, o Yesaya penas: Ray, koon patsas kova, hoy mer lenge penam?

Remarja 15:18

Me kamau gar te rakrap pral vavar koova har pral kova, hoy kras o Yezous Kristo mank kolende, kay kek bibolde hi. Dran maro rakepen oun mari boudi anas o Yezous Kristo len pash peste, te shounenn le ap leste.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

Remarja 6:16

T'mer djinenna: Koon t'maro ray hi, ap koleste hounte shounenn. Koleskre boudepangre han t'mer. Te shounenn t'mer ap o čilačepen, palle hi o čilačepen o ray pral t'mende, oun t'mer merenna. Te shounenn t'mer ap o Debleste, palle krell lo t'men čačo.

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

2. Korintarja 10:5

Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash.

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Galatarja 4:8

An ko tsiro, kay prindjran t'mer o Debles gar, hans vavarenge koy, har te vans le o Devel.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

5. Mose 4:11

Kote van t'mer oun hans tella pash i berga tardo, oun i berga rhačas bis pre an o bolepen. Troul late his kale volke oun baro tamlepen.

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.

5. Mose 5:5

Oun me homs mashkral t'mende oun o baro Debleste tardo an ko tsiro, te penap t'menge, hoy lo penas. T'mer daran i yagatar oun djan gar ap i berga pre. Oun o baro Devel penas:

1. Tessalonikarja 4:5

I rhanč hounte rhal les gar pre, har kova hi pash i menshende, kay prindjrenn o Debles gar.

Hebrearja 10:27

Na-a, yob hounte trashell ko dives, kay vell o Debleskri rholi pral i phoub oun i zoreli yag pral kolende, kay kaman lestar či te djinell.

Hebrearja 10:30

Mer djinah, kay o Devel penas: Me dau len ko čilačepen pale, hoy yon kran. Miri rholi vell ap lende. Oun pale hi činlo: O Devel rakrell o čačepen pral peskre menshende vin.

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.

Hebrearja 12:29

Ma bistrenn, maro Devel hi yaake har i zoreli yag!

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Petro 3:6

Yek lendar hi i Sara. Yoy shounas ap o Abrahameste, oun penas ap leste Ray. Te krenn t'mer, hoy lačo hi, oun te moukenn t'men kekestar daar te krell, palle han t'mer har lakre ča.

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

1. Samuel 2:12

O Eliyeskre čave his čilače oun kaman o baro Deblestar či te djinell.