2. Tessalonikarja 1:3 - O Debleskro Lab 2024 (Sinte-Manouche)

³ Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

O Debleskro Drom 2021 (Sinte)

³ Mire phrala, mer hunte parkras men tumenge pash o Debleste hako tsiro, jaake bud latchepen shunam tumendar. Tumaro patsepen well baro un bareder. Un pash tumende lauterende well o kamlepen bareder, kai jek o wawareske hi.

2. Tessalonikarja 1:3 ပူးပေါင်းရင်းမြစ်များ

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Debleskri gili 84:7

Te djan le an o tato them, nashell kote pani lenge vin. Oun o brishin moukell lauter zenelo oun baro te vell.

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Louka 17:5

Oun kol deesh-te-douy bičepangre penan ap o Yezouseste: “Kre maro patsepen zoreles!”

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Remarja 1:8

Glan hake vavar laba, hoy kamau t'menge te činell, penau t'menge: Hako tsiro, kay rakrau o Yezous Kristeha, parkrau man pash miro Debleste t'menge halauterenge. Ap i tseli phoub rakrenn le pral t'maro patsepen.

1. Korintarja 1:4

Me parkrau man hako tsiro t'menge pash miro Debleste. Yob hi t'menge yaake lačo oun kras, te prindjrenn t'mer o Yezous Kristes.

2. Korintarja 10:15

Yaake nay sharah men mer pral i boudi, hoy mer kram, oun gar pral kova, hoy i vavar kran. An maro dji djinah, ap ko tsiro, kay vas o patsepen an t'mende baro, sharenn le men ninna pral kova, hoy mer mank t'mende kram.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

1. Tessalonikarja 3:12

T'menge mangau me maro rayestar, o Yezousestar, te vell t'maro kamlepen baro oun bareder mashkral t'mende oun i vavar menshenge ninna. Yaake baro hi ninna maro kamlepen t'menge.

1. Tessalonikarja 3:6

Kanna vas o Timoteo pale, oun penas lačo koova pral t'maro patsepen oun kamlepen. Lestar djinah, mer ham hako tsiro an t'maro dji. Oun t'mer kamenn men pale te dikell, yaake har kamah mer t'men pale te dikell.

1. Tessalonikarja 3:9

Mer nay parkrah men gar doha pash o Debleste, yaake barhtelo kran t'mer men.

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

2. Tessalonikarja 2:1

Mire phrala, kanna kamah te penas t'menge pral ko tsiro, kay vell maro ray, o Yezous Kristo, pale, te lell lo men pash peste.

2. Tessalonikarja 2:13

Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

2. Petro 1:13

Me patsau, hi mishto t'menge, te penap t'menge kova yaake rah, har me djivau, te bistrenn t'mer kova gar, oun te venn gar khino, te krenn kova lauter.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.