2. Tessalonikarja 1:10 - O Debleskro Lab 2024 (Sinte-Manouche)

¹⁰ ap ko dives, kay vell maro ray Yezous pale, te vell lo sharedo peskre menshendar. Oun i tsele patsle dikenn les, oun hi barhtelo pral leste, ninna t'mer, kay patsan ap o Debleskro lačo lab, hoy mer t'menge penam.

O Debleskro Drom 2021 (Sinte)

¹⁰ ap ko diwes, kai well maro rai Jesus pale, te well lo sharedo peskre menshendar. Un i tsele patsle dikenn les, un hi bachtelo pral leste, ninna tumer, kai patsan ap o Debleskro latcho lab, hoi mer tumenge penam.

2. Tessalonikarja 1:10 ပူးပေါင်းရင်းမြစ်များ

Debleskri gili 68:35

Hadenn o Debles! Yob hi o bareder. Leskro raylepen hi pral o Israel, oun leskri zoor djal bis ap i volke.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 49:3

Oun yob penas ap mande: Miro boudepaskro hal tou, Israel, ap toute sikrau miro raylepen.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Maleachi 3:17

Oun pral lende penell o baro Devel, ko ray pral o bolepen oun i phoub: Ap ko dives, kay me vau, sikrell pes, kay hi le mire. Oun me krau miro dji lenge yaake pre, har i morsh peskro dji pre krell peskro čaveske, kay leske koy hi.

4. Mose 23:23

Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 16:28

Čačepah, me penau t'menge: Mashkral t'mende hi save menshe, kay merenn gar, bis te dikenn le o Menshengro Čaves, har yob o baro ray hi.

Mateo 24:36

Kek djinell ko tsiro, kaana kova lauter vella. I bolepangre an o bolepen djinenn les gar, vitar gar o Debleskro čavo. Miro dad an o bolepen kokres djinell les.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 7:22

Vell ko dives, kay o Devel o čačepen pral i tsele menshende vi-rakrella. Ap ko dives penenna boud ap mande: Ray, ray, an tiri zoor penam mer i menshenge, hoy o Devel menge penas. An tiri zoor tradam i bengen vin, oun kram boud baro zorelo koova.

Louka 10:12

Me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kol menshe an o foro Sodom.”

Johanni 11:4

Har o Yezous kova shounas, penas lo: “Kava nasslepen vas gar ap leste, te merell lo. Yob vas nasselo, te dikenn t'mer, havi bari zoor o Debles hi, oun te vell o Debleskro čavo sharedo.”

Johanni 17:10

Halauter, hoy miro hi, hi ninna tiro. Oun hoy tiro hi, hi ninna miro. Ap lende vell miro raylepen oun miri zoor diklo.

1. Korintarja 1:6

O lab o Yezous Kristestar kras t'men zoreles an o patsepen.

1. Korintarja 3:13

Vell ko dives, kay dikenn le, hoy hakeno pre čivas. Ap ko dives vell lauter an i yag. Oun koy yag sikrella, hoy haki boudi moldo hi.

Galatarja 1:24

Oun yon sharan o Debles pral halauter, hoy yob ap mande kras.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rayeste, kolestar o Devel penas, te vell yob. Oun kanna hi lo kay.

Efesarja 1:14

Kanna hi men o Debleskro Dourho an mende. Oun doleske djinah, te lah boudeder lačo koova ap ko dives, kay vah neves kerdo an o bolepen. Doleske sharas mer maro baro Debles!

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 3:10

Kanna dikenn i raya oun i pralstoune an o bolepen, har baro o Debleskro gosvepen hi. Kova dikenn le ap kova, hoy yob i patslenge kras.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

1. Tessalonikarja 1:5

Har vam pash t'mende, oun penam t'menge o Debleskro lačo lab, koy penam gar leskro lab kokres, na-a, koy dikan t'mer ninna o Debleskri zoor an halauter, hoy yob mashkral t'mende kras. Oun o Debleskro Dourho rakras ap t'mende, oun t'mer hayvan, leskro lab hi čačo. Ninna djinenn t'mer, har djivam maro djipen pash t'mende, oun sikram t'men o Debleskro drom.

1. Tessalonikarja 2:1

Mire phrala, t'mer djinenna, har vam pash t'mende, oun penam t'menge o Debleskro lab. Kova his gar čičeske.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

2. Tessalonikarja 1:12

Palle vell maro ray Yezous sharedo dran t'mende. Oun leha khetne venn t'mer ninna sharedo. Yaake lačo hi maro Devel oun maro ray, o Yezous Kristo, t'menge.

2. Tessalonikarja 2:13

Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

2. Timoteo 1:18

Me mangau o Debles, te vell lo leske lačes ap ko dives, kay yob glan leste tardo hi. Tou djineh ninna, har boud yob i patslenge an o foro Efesus boudras.

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.