2. Samuel 3:8 - O Debleskro Lab 2024 (Sinte-Manouche)

⁸ Koy tapras o Abner i bari rholi pral kol laba, hoy o Ish-Boshet penas. Oun o Abner das gole: “Hom me i djouklo dran o them Youda? Bis kava dives krau lauter, hoy nay krau o Sauleskro khereske, leskri tseli familyake oun leskre tsele malenge; me rikrom mire vasta pral toute, te peral gar, an o Davideskre vasta. Oun tou kameh i doosh ap mande te anell kal djouvyake?

O Debleskro Drom 2021 (Sinte)

⁸ Koi tapras o Abner i bari choli pral kol laba, hoi o Ish-Boshet penas. Un o Abner das gole: “Hom me i djuklo dran o them Juda? Bis kau diwes krau lauter, hoi nai krau o Sauleskro khereske, leskri tseli familjake un leskre tsele malenge; me rikrom mire wasta pral tute, te peral gar, an o Davideskre wasta. Un tu kameh i doosh ap mande te anell kal djuwjake?

2. Samuel 3:8 ပူးပေါင်းရင်းမြစ်များ

2. Samuel 16:9

O Abishay, koleskri day i Serouya his, penas ap o baro rayeste: “Miro ray, nay praasell kava moulo djouklo tout, o baro rayes? Me kamau pash leste te djal, te dap leskro shero tele.”

2. Samuel 2:8

O Sauleskro pralstouno lourdo, o Abner, koleskro dad o Ner hi, kova las o Sauleskro čaves Ish-Boshet, oun anas les an o foro Mahanayim,

2. Samuel 3:18

Kanna krenn kova! O baro Devel penas o Davidestar: Miro boudepaskro, o David, vell kova, khetne leha lau mire menshen Israel vin dran i vasta kol Filistarendar, oun lauterendar, kay leske čilačepen kamenn.”

2. Samuel 3:9

Mou krell o Devel ap mande, hoy yob kamella, te krau me gar kova, hoy o baro Devel o Davideske penas, oun das pes koy pre sovel,

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

2. Samuel 9:8

Koy moukas o Mefi-Boshet pes ap i phoub te perell glan leste, oun penas: “Miro ray, koon hom me? Hom gar feteder har i moulo djouklo, oun tou hal yaake lačes ap mande!”

2. Rajengro liil 8:13

O Hasael penas: “Me hom i čorvelo djouklo. Har nay krau me savo koova?” Koy penas o Elisa: “O baro Devel sikras mande, kay veh tou baro ray pral Syria.”

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Jesaja 37:23

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

5. Mose 23:18

Mank i Israelitarya hounte vell kek djouvel oun kek morsh, kay bikrell pes lovenge an o kheer i vavar deblestar.

1. Samuel 15:28

Koy penas o Samuel ap leste: “Yaake har lal tou zoryah ko kotar than dran miri baya vin, yaake las o baro Devel peskre menshen Israel zoryah dran tiro vast vin, te vess tou bouder kek ray pral lende. Oun yob kras i vavares ray pral lende, yekes kay hi feteder har tou.

1. Samuel 17:43

Oun yob penas ap o David: “Hom me i djouklo, te veh tou i kashteha ap mande?” Oun rakras bibarht pral leste an o lab peskro deblestar,