2. Samuel 3:39 - O Debleskro Lab 2024 (Sinte-Manouche)

³⁹ Ninna te makan yon man djeteha dren, te vap baro ray, hom kava dives gar zorelo. Kal morsha, kolengri day i Serouya hi, hi zorleder har me. O baro Devel mou dell koles čilačepen pale, kay čilačepen kras!”

O Debleskro Drom 2021 (Sinte)

³⁹ Ninna te makan jon man djeteha dren, te wap baro rai, hom kau diwes gar sorelo. Kal mursha, kolengri dai i Zeruja hi, hi sorleder har me. O baro Dewel mu dell koles tchilatchepen pale, kai tchilatchepen kras!”

2. Samuel 3:39 ပူးပေါင်းရင်းမြစ်များ

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

2. Samuel 19:13

T'mer han mire phrala, miro mass oun rat. Hoske moukenn t'mer kol tsele vavaren glan t'mende pash o baro rayeste te vell, te lenn le les pale pale?”

2. Samuel 19:22

O Abishay, koleskri day i Serouya his, penas: “O Shimi hounte merell. Yob praasas koles, kay vas o baro Deblestar vi-rodedo, te vell lo baro ray.”

2. Samuel 3:38

Oun o baro ray penas ap peskre morshende: “Djinenn t'mer gar, kay kava dives i baro morsh oun pralstouno meras an Israel?

1. Rajengro liil 2:9

Kava koova hounte less tou an tiro vast. Tou hal i gosevo morsh oun tou djineh, hoy hounte kress leha. Yob hi i phouro morsh. Mouk les gar an o lačepen te merell! Mouk les moulo te dell!”

1. Familjakro liil 22:5

O David penas peske: Miro čavo, o Salomo, hi terno oun djinell gomme gar, har te krell i kheer; ko kheer o baro Debleske hounte vell yaake baro oun raylo, te nay vell lo prindjedo oun sharedo an i tsele themma. Doleske kamau me leske doha koova koy te čivell. Oun yaake las o David boud koova khetne glan leskro merepen.

1. Familjakro liil 29:1

Oun o baro ray, o David, penas ap i tsele menshende, kay kote khetne his: “O Devel rodas yek mire čavendar vin, o Salomes: Yob hi terno oun djinell gomme gar, har te krell lo i kheer. Oun i kheer maro Debleske te krell, hi i bari boudi. Kova vell gar i kheer i mensheske, na-a, kova vell i kheer o baro Debleske.

2. Familjakro liil 13:7

Oun leske ap i rig van či-molde, čilače morsha, oun yon van zorleder har o Roboam, o Salomeskro čavo; an ko tsiro his o Roboam terno, oun leskro dji his gar zorelo. Yaake nay rikras lo pes gar zoreles glan lende.

Debleskri gili 101:8

Hako dives čivau i tsele čilačen an o them pale. Kolen, kay i vavaren čilačepen kran, moukau bouder gar an o baro Debleskro foro te djivell.

Debleskri gili 28:4

Kre lentsa pal kova, hoy yon kran, pal lengro čilačepen, hoy yon kran, pal kova, hoy yon pengre vastentsa kran! De len pale pal kova, hoy kran le i vavarenge!

Debleskri gili 62:12

Boudeder har yek kopo shounom: O Devel kokres hi zorelo,

Debleskri gili 7:16

Yob hadas i rheb vin, hoy djas dour tele, oun peras palle kokres dren, – an koy rheb, hoy yob i vavareske vi-hadas.

Debleskri gili 75:10

Me kamau o Deblestar te rakrell hako tsiro. Oun leske, ko Yakobeskro Debleske, givau oun bashrau.

2. Mose 21:12

Kova, kay dell i menshes yaake phares, te merell lo, kova hounte merell.

Gosewe laba 20:8

I baro ray, kay o čačepen vin rakrella pral i menshende, hatsell kolen vin, kay čilačo hi.

Gosewe laba 25:5

Le o čilačes krik o baro rayestar, palle ačell yob i baro ray, kay an o čačepen tardo hi.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jesaja 7:4

Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

Jeremia 38:5

Kote penas o baro ray Sedekya ap lende: Ake, krenn leske, hoy kamenna! Man hi či penepaske pash t'mende.

Daniel 6:16

Kote nashan kol morsha pale khetne pash o baro rayeste oun penan ap leste: “Tou djineh, baro ray, pash i Medarya oun o Persarya hi o čačepen yaake, te nay vell kek lab pale pale lino, hoy o baro ray moukas te činell!”

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

2. Timoteo 4:14

O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.

Čačepangre 9:57

Oun ninna o čilačepen, hoy i morsha dran o foro Sichem kran, moukas o Devel ap lengre shere pale te vell. Oun yaake vas koy bibarht pral lende, hoy o Yotam vin rakras, koleskro dad o Gideon hi.