2. Samuel 24:24 - O Debleskro Lab 2024 (Sinte-Manouche)

²⁴ Oun o baro ray penas ap o Arauna: “Yaake djal gar. Čačepah, me kamau toutar kova tele ginell, oun playsrau, hoy ko koova molella. Me kamau o baro Debleske či te rhačrell, hoy lom čičeske.” Yaake ginas o David ko kotar them oun kol groumya oun playsras paash-sheel roupene kotya.

O Debleskro Drom 2021 (Sinte)

²⁴ Un o baro rai penas ap o Arauna: “Jaake djal gar. Tchatchepah, me kamau tutar kowa tele ginell, un plaissrau, hoi ko koowa molella. Me kamau o baro Debleske tchi te chatchrell, hoi lom tchitcheske.” Jaake ginas o David ko kotar them un kol grumja un plaissras paash-sheel rupene kotja.

2. Samuel 24:24 ပူးပေါင်းရင်းမြစ်များ

1. Mose 23:11

“Na-a, miro ray, shoun, hoy me penau: Tou hounte playsress mange či. Me dau tout ko kotar them oun koy grotta. Glan mire menshende dau tout kova, te paskress tiri mouli romyat.”

1. Mose 23:13

oun penas ap o Efron glan lauterende: “Mangau tout, te shouness ap mande: Me playsrau, hoy ko kotar them moldo hi. Le mandar kal love! Yaake nashte paskrau miri mouli romyat.”

1. Mose 23:16

Oun o Abraham das o Efrones kol love, hoy yon glan i Hetarya vin kran: star-sheel roupene beme. Yek bema his yaake pharo har yek bema pash i parepangre pharo his.

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

1. Familjakro liil 22:1

Oun o David penas: “Kate te vell o kheer o baro Debleske tardo. Kate krah leske i rhačepaskri, kay i Israelitarya nay rhačrenn firhen leske.”

Remarja 12:17

Te hi yek čilačo ap t'mende, palle venn gar čilačo ap leste! Krenn, hoy lačo hi an i tsele menshengre yaka!