2. Samuel 22:36 - O Debleskro Lab 2024 (Sinte-Manouche)

³⁶ Baro Devel, tou rikreh tiro vast pral mande, te doukrell man kek. Tou dikeh lačes ap mande oun kreh man bares.

O Debleskro Drom 2021 (Sinte)

³⁶ Baro Dewel, tu rikreh tiro wast pral mande, te dukrell man kek. Tu dikeh latches ap mande un kreh man bares.

2. Samuel 22:36 ပူးပေါင်းရင်းမြစ်များ

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

Debleskri gili 115:14

Mou dell t'men o baro Devel boud čave, t'menge oun t'mare čavenge!

Debleskri gili 18:35

Yob sikrell man, har mire vasta hounte kourenn pen, oun har miri moussi rikrell o sasterno bogo.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Efesarja 6:16

Patsenn zoreles ap o Yezous Kristeste! Kova hi yaake, har te rikrenn i bourhli sasterni patri glan t'mende. Koya krell koy yag vin, kolah o beng ap t'mende karye della.

Efesarja 6:17

Ma bistrenn, te las t'men o Yezous Kristo dran o čilačepen oun o merepen vin! Kova hi t'menge har i sasterni stadi ap t'maro shero. Lenn ninna o Debleskro lab an t'maro vast. Kova hi har i rharo, hoy dell t'men o Debleskro Dourho.