2. Samuel 18:27 - O Debleskro Lab 2024 (Sinte-Manouche)

²⁷ Kova, kay das garda, penas: “Ko glanstouno nashell har o Ahimaaz, koleskro dad o Zadok hi.” Oun o baro ray penas: “Kova hi i lačo morsh oun penell menge i lačo koova.”

O Debleskro Drom 2021 (Sinte)

²⁷ Kowa, kai das garda, penas: “Ko glanstuno nashell har o Ahimaaz, koleskro dad o Zadok hi.” Un o baro rai penas: “Kowa hi i latcho mursh un penell menge i latcho koowa.”

2. Samuel 18:27 ပူးပေါင်းရင်းမြစ်များ

2. Samuel 18:26

dikas kova, kay das garda, i douyto morshes nashell, oun das tele an ko baro voudar gole: “Koy vell pale i morsh kokres!” Koy penas o baro ray: “Ninna kova penell menge lačo koova.”

1. Rajengro liil 1:42

Har yob gomme rakras, vas o Yonatan, koleskro dad o rashay Abyatar hi. Oun o Adoniya penas ap leste: “Ab kate pash mande! Tou hal i morsh o labestar oun aneh menge lače laba.”

2. Rajengro liil 9:20

Pale penas kova, kay yak das: “Yob vas pash lende oun vell gar pale. Oun koy hi yek, kay oulerell har i divyo, har o Yehou, koleskro dad o Nimshi hi.”

Gosewe laba 25:13

I morsh o labestar hi koleske, kay les bičras, har shila pani an ko tato tsiro, kay o djob dren anlo vell, oun dell les nevi zoor.

Gosewe laba 25:25

I liil dran i dour them lače labentsa hi har shil pani koleske, kay troushella.

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Remarja 10:15

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!