2. Samuel 14:25 - O Debleskro Lab 2024 (Sinte-Manouche)

²⁵ An o tselo Israel his kek morsh yaake shoukar har o Absalom, oun kova penas hakeno lestar. Oun foun o shero bis tel i herya his kek djoungelo koova ap leste.

O Debleskro Drom 2021 (Sinte)

²⁵ An o tselo Israel his kek mursh jaake shukar har o Absalom, un kowa penas hakeno lestar. Un fun o shero bis tel i herja his kek djungelo koowa ap leste.

2. Samuel 14:25 ပူးပေါင်းရင်းမြစ်များ

1. Rajengro liil 1:6

An leskro tselo djipen čingras leskro dad kek kopo leha oun poučas lestar: “Hoske kreh tou kava?” O Adoniya his i shoukar morsh, oun vas boldo pal o Absalom.

Hiob 2:7

Kote djas o beng vin o baro Deblestar, oun das o Hiobes i djoungelo nasslepen ap peskro mass, hoy rhandjras oun doukas leske foun o shero bis tele pash i pire.

Gosewe laba 31:30

O shoukapen ačell gar, oun i shoukar djouvel vell ninna phouro. I romni, kay djivell o baro Debleha, kolat sharenn le.

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Ezekiel 23:15

Len his i kouč pandepen troul pengro per, oun shoukar stadja doryentsa ap pengro shero. Lauter his zorele kourepangre. Yaake dikan i čače Babilonarya vin, kolengro them o them Kaldea hi.

Daniel 1:4

“Yon hounte venn sasto oun shoukar, gosevo oun siklo”, penas lo. “Ninna hounte hayvenn le pen an halauter mishto vin, oun nay hayvenn sik, yaake te nay boudrenn le mange an miro kheer. Oun lenge vell pashel anlo, har i Kaldearya rakrenn oun pengro rakepen činenn.”

Mateo 23:27

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen! T'mer han har i moulengre khera, hoy parno kerdo van. Kolla hi vin shoukar. Dren hi le pherdo čik oun kokale.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

5. Mose 28:35

O baro Devel krell, te phagell djoungelo doukepen pre ap t'mare herya. Ava, t'mare pirendar bis ap t'mare sherya han pherdo doukepen, oun nay venn gar sasto kolestar.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

1. Samuel 9:2

Oun koles his i morsh čavo, koleskro lab his Saul. Kova his i terno shoukar morsh. Oun kek morsh mank i Israelitarya his yaake shoukar har yob. Oun yob his yek shereske bareder har hako vavar morsh an Israel.