2. Samuel 14:20 - O Debleskro Lab 2024 (Sinte-Manouche)

²⁰ Yob kamas kova gar touke an o mouy te penell. Tou, miro baro ray, hal yaake gosevo har o Debleskro bolepaskro, oun djineh halauter, hoy ap i phoub djala.”

O Debleskro Drom 2021 (Sinte)

²⁰ Job kamas kowa gar tuke an o mui te penell. Tu, miro baro rai, hal jaake gosewo har o Debleskro bolepaskro, un djineh halauter, hoi ap i phub djala.”

2. Samuel 14:20 ပူးပေါင်းရင်းမြစ်များ

1. Mose 3:5

O Devel djinell, kay djana t'menge i yaka pre ap ko dives, kay rhan ko roukestar. Oun t'mer venna har o Devel oun djinenna, hoy lačo oun čilačo hi.”

2. Samuel 14:17

Čačepah, miro ray, me penom mange: Kova, hoy o baro ray penell, hi mange mishto. Yob hi har i Debleskro bolepaskro, kay djinella, hoy lačo oun hoy čilačo hi. Tiro baro Devel mou ačell touha!”

2. Samuel 18:13

Oun te doms les moulo, oun o baro ray shounals kova – leske ačell či khatedo, – palle rikrals tou gar pash mande.”

2. Samuel 19:27

“Miro baro ray”, penas yob, “tou djineh, kay hom bango. Me penom ap miro boudepaskro Siba, te čivell lo i ledertikri plarhta ap i esla, te beshap koy pre oun klissap pash o baro rayeste. Oun miro boudepaskro rhorhras man.

2. Samuel 19:28

Ninna penas yob touke rhorhene laba pral mande. Miro baro ray, tou hal har o Debleskro bolepaskro. Kre, hoy touke mishto hi!

2. Samuel 5:23

Oun o David poučas o baro Deblestar, oun kova penas: “Tou djas gar pral glan lende. Tou vess palla pral lende oun vess pral lende koy rigyatar, kay i balsamtikre rouka čidde hi.

Gosewe laba 26:28

Kova, kay rhorhepen rakrell, kamell o vavareske čilačepen te krell oun les doukrell. Oun kova, kay goudle labentsa rakrell, anell i bibarht.

Gosewe laba 29:5

Kova, kay makell i vavareske gvin troul o mouy, kova čivell i netsa khatedo vin glan koleskre pire.

1. Samuel 29:9

“Djinau, djinau”, penas o Akish, “an mire yaka hal tou har i bolepaskro o Deblestar. I pralstoune pral i Filistarya hi kolla, kay penan: Yob djal gar mentsa an o kourepen!