2. Rajengro liil 9:32 - O Debleskro Lab 2024 (Sinte-Manouche)

³² Yob dikas pral pash i vorhni oun das gole: “Koon hi ap miri rig?” Koy dikan douy, triin pralstoune boudepangre ap leste tele.

O Debleskro Drom 2021 (Sinte)

³² Job dikas pral pash i wochni un das gole: “Koon hi ap miri rig?” Koi dikan dui, triin pralstune budepangre ap leste tele.

2. Rajengro liil 9:32 ပူးပေါင်းရင်းမြစ်များ

2. Rajengro liil 9:31

Oun har o Yehou tel ko foreskro voudar vas, penas yoy: “Djal mishto, tou Simri, kay peskro rayes moulo das?”

2. Rajengro liil 9:33

“Vitsrenn la tele”, penas yob. Koy vitsran le i Isebel tele. Oun lakro rat peras ap i massouri oun ap i grayende. Oun yob ouleras pral late.

2. Rajengro liil 9:7

Oun tou maress kol menshen, kay venna tiro rayestar Ahab. Yaake dau len i phagi ko rateske, hoy ratas, har maras i Isebel mire boudepangren, mire rakepangren oun kol tsele vavaren, kay mange koy his.

1. Familjakro liil 12:18

Oun o David djas pash lende vin, oun penas ap lende: “Van t'mer an o kamlepen pash mande, te rikrenn pash mande, palle hi miro dji t'mentsa yek! Te van te phoukrenn ap mande pash kolende, kay kamenn man te marell, palle mou dikell o Devel mare dadendar koy pal, oun mou dell t'men i phagi. Yob djinell, kay krom kek čilačo koova.”

Ester 1:10

Oun ap o eftato dives his o baro rayeskro dji barhteles boud molyatar. Oun yob kamas i rayenge oun i tsele menshenge peskri romyat, i rani Vasti, te sikrell, kay yaake shoukar his. Oun yob rakras kol efta pralstunentsa, kay ninna pral o djouvyengro kheer penepaske hi: o Mehouman, o Biseta, o Harbona, o Bigta, o Abagta, o Setar oun o Karkas. Lenge penas lo, te anenn le i rani, oun te hidjrell li peskro shereskro sonakay.

Ester 2:15

Ko tsiro vas, te djal i Ester pash o baro rayeste. Lakro dad his o Abihayil oun lakro kako o Mordekay, kay lat pash peste las, har vell li leskri čay. Oun yoy kamas či boudeder peha te lell, har o Hegay, ko pralstouno pral i djouvyende, lake penas. Oun an i yaka lauterendar, kay dikan lat, his li shoukar.

Ester 2:21

An kol divessa har o Mordekay an ko baro voudar glan o baro rayeskro kheer beshdo his, van douy boudepangre an i bari rholi. Kolla dan yak ap i voudya oun kharan Bigtan oun Teresh. Oun yon lan penge glan, te denn le o baro rayes Ahasveros moulo.

Debleskri gili 118:6

O baro Devel hi pash mande. Me darau gar. Hoy nay krell man i mensho?

Debleskri gili 94:16

Koon vell ap miri rig, te kouras men i čilačentsa? Koon vell pash mande, te djas mer khetne ap kolende, kay krenn midjak koova?

2. Mose 32:26

Koy djas o Mose an o voudar glan koy platsa, kay i menshe djivenn, oun das gole: “Koon kamell o baro Debles, kova te vell pash mande!” Yaake van i tsele Levitarya pash leste.

Bičepangre 12:20

O Herodes vas rhoyemen ap i menshende an i forya Tirus oun Sidon. Kolla lan pengro rhapen dran o Herodeskro them. Doleske bičran le khetne morshen pash leste, te vell lo pale lačo lenge. Kolla rakran koleha, kay das yak ap o Herodeskro kheer, leskro lab his Blasto, oun penan leske, te kamenn le bouder kek čingepen, oun mangan lestar, te penell yob kova o Herodeske.