2. Rajengro liil 9:21 - O Debleskro Lab 2024 (Sinte-Manouche)

²¹ Koy penas o Yoram: “Čivenn i graya glan o vourdin!” Oun yon čivan i graya glan leskro vourdin. Oun kol douy bare raya, o Yoram, ko ray pral Israel, oun o Ahasya, ko ray pral Youda, ouleran hakeno ap peskro vourdin pash o Yehou. Oun yon tapran pen ap ko kotar them, hoy his o Nabotes dran Yesreel.

O Debleskro Drom 2021 (Sinte)

²¹ Koi penas o Joram: “Tchiwenn i graja glan o wurdin!” Un jon tchiwan i graja glan leskro wurdin. Un kol dui bare raja, o Joram, ko rai pral Israel, un o Ahasja, ko rai pral Juda, uleran hakeno ap peskro wurdin pash o Jehu. Un jon tapran pen ap ko kotar them, hoi his o Nabotes dran Jesreel.

2. Rajengro liil 9:21 ပူးပေါင်းရင်းမြစ်များ

1. Rajengro liil 20:14

O Ahab poučas: “Koon mendar hounte kourell pes lentsa?” O Debleskro rakepaskro penas: “O baro Devel penell: I terne morsha, kolengre pralstoune pral o them tardo hi.” Oun yob poučas doureder: “Koon djal glanstounes an o kourepen?” Oun yob penas: “Tou!”

2. Familjakro liil 22:7

O Devel kamas kova yaake, te djal o Ahasya pash o Yoram, te vell lo kote maredo. Oun har yob koy vas, djan kol douy, o Ahasya oun o Yoram pash o Yehou, koleskro dad o Nimshi hi. Koles rodas o baro Devel vin, te vell lo baro ray oun marell o Ahabeskri tseli familya.

Micha 1:13

T'mer an o foro Lakish, lenn t'menge graya oun čivenn len glan i vourdya, oun nashenn t'menge! T'mer anan i menshen dran o foro Sion ap o čilačo drom! An t'maro foro vell savo čilačepen kerdo har an o them Israel.

4. Mose 20:14

Har hi le an o foro Kadesh, bičras o Mose yekes pash o baro rayeste pral kol Edomarya, oun moukas leske te penell: “Kova moukell touke tiro phraal Israel te penell: Tou djineh, havo pharo tsiro ap mende vas,