2. Rajengro liil 9:18 - O Debleskro Lab 2024 (Sinte-Manouche)

¹⁸ Oun ko klissepaskro klissas koy oun penas: “O baro ray poučell: Avenn t'mer an o lačepen?” O Yehou penas: “Hi kova tiro koova? Dja pal mande oun am mantsa!” Kova, kay yak das, penas: “Ko bičepaskro vas pash lende koy oun vell gar pale.”

O Debleskro Drom 2021 (Sinte)

¹⁸ Un ko klissepaskro klissas koi un penas: “O baro rai putchell: ‘Awenn tumer an o latchepen?’” O Jehu penas: “Hi kowa tiro koowa? Dja pal mande un am mantsa!” Kowa, kai jak das, penas: “Ko bitchepaskro was pash lende koi un well gar pale.”

2. Rajengro liil 9:18 ပူးပေါင်းရင်းမြစ်များ

2. Rajengro liil 9:17

Pral ap ko turmo an Yesreel his yek tardo, kay dell yak. Kova dikas kol kourepangre vourdya, kolentsa o Yehou vas, oun penas: “Me dikau lourden.” Koy penas o Yoram: “Biče i klissepaskres pash lende, te poučell yob: Avenn t'mer an o lačepen?”

2. Rajengro liil 9:19

Koy bičras o Yoram o douyto klissepaskro. Har kova pash lende vas, penas yob: “O baro ray poučell: Avenn t'mer an o lačepen?” O Yehou penas: “Hi kova tiro koova? Dja pal mande oun am mantsa!”

2. Rajengro liil 9:22

Har o Yoram o Yehou dikas, poučas yob: “Avenn t'mer an o lačepen?” Koy penas lo: “Hoy – an o lačepen? Har nay vah an o lačepen yaake rah har tiri day, i Isebel, sharell moule deblen oun krell bengeskro koova?”

2. Rajengro liil 9:31

Oun har o Yehou tel ko foreskro voudar vas, penas yoy: “Djal mishto, tou Simri, kay peskro rayes moulo das?”

Jesaja 48:22

Kava tselo lačo koova, hi gar i čilačenge, penell o baro Devel.

Jesaja 59:8

T'menge hi či moldo, te djal i vavarenge mishto. Oun o čačepen kamenn gar te krell. Bange dromma djan t'mer. Save menshe perenn an i bibarht.

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Remarja 3:17

Ko drom, kay i menshe pen gar čingrenna, prindjrenn le gar.