2. Rajengro liil 8:8 - O Debleskro Lab 2024 (Sinte-Manouche)

⁸ Koy penas o baro ray ap o Hasael: “Dja pash o Debleskro morsheste! Oun le čomone touha, hoy deh les! Oun mange lestar, te poučell lo mange o baro Deblestar, te djinap: Vau me pale sasto kava nasslepastar?”

O Debleskro Drom 2021 (Sinte)

⁸ Koi penas o baro rai ap o Hasael: “Dja pash o Debleskro mursheste! Un le tchomone tuha, hoi deh les! Un mange lestar, te putchell lo mange o baro Deblestar, te djinap: Wau me pale sasto kau nasslepastar?”

2. Rajengro liil 8:8 ပူးပေါင်းရင်းမြစ်များ

1. Rajengro liil 19:15

Kote penas o baro Devel ap leste: “Dja ko drom pale, hoy tou val, mank o moulo tato them. Oun dja dren an o foro Damaskus! Mak lačo djet ap o shero o morshestar Hasael, te vell yob o ray pral o them Aram!

1. Rajengro liil 19:17

Palle vell yaake: Koon nay nashell peske glan o rharo, koleha o Hasael dell, koles marell o Yehou. Oun koon nay nashell peske glan o rharo, koleha o Yehou dell, koles marell o Elisa.

2. Rajengro liil 1:16

oun penas ap leste: “Kova penas o baro Devel: Tou bičral bičepangren pash o Baal-Seboub, ko devel an Ekron, te poučess lestar i lab, har te vals kek Devel an Israel, kay nay poučeh i lab. Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

2. Rajengro liil 1:6

Yon penan ap leste: “Koy vas i morsh pash mende, har mer ap o drom hams, oun penas ap mende: Djan pale pash o baro rayeste, kay bičras t'men, oun penenn ap leste: Kova penell o baro Devel: Hi kay kek Devel an Israel? Hoske bičreh morshen pash o Baal-Seboub, ko devel pral Ekron, te poučess lestar? Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Rajengro liil 5:5

“Dja koy”, penas o baro ray pral Syria. “Me kamau o baro rayeske pral Israel i liil te činell.” O Naaman djas koy oun las peha efta centnarya roup oun shob zerya sonakangre love oun deesh rayle ripya.

Louka 13:23

Oun i morsh poučas lestar: “Ray, pen menge: Lell o Devel boud menshen an o bolepen, te djivenn le pash leste?”

Bičepangre 16:30

Oun yob anas len vin, oun penas ap lende: “T'mer raya, hoy krap, te lap o Debleskro djipen?”

1. Samuel 9:7

O Saul penas ap peskro boudepaskro: “Hoy das mer les, te djah pash ko morsheste? An mari possita hi bouder kek maro, hoy nay dams les. Oun men hi či, hoy nay anams ko Debleskro morsheske. Menge ačas či.”