2. Rajengro liil 8:6 - O Debleskro Lab 2024 (Sinte-Manouche)

⁶ Ko baro ray poučas koy romyatar pral kava koova. Oun koy romni penas leske, hoy djas. Koy bičras o baro ray i pralstounes lah, oun penas leske: “De lake lauter pale, hoy lakro hi, oun ninna lauter, hoy lake nashedo djas ap lakro kotar them ap ko tsiro, kay yoy dran kava them djas bis kanna!”

O Debleskro Drom 2021 (Sinte)

⁶ Ko baro rai putchas koi romjatar pral kau koowa. Un koi romni penas leske, hoi djas. Koi bitchras o baro rai i pralstunes lah, un penas leske: “De lake lauter pale, hoi lakro hi, un ninna lauter, hoi lake nashedo djas ap lakro kotar them ap ko tsiro, kai joi dran kau them djas bis kanna!”

2. Rajengro liil 8:6 ပူးပေါင်းရင်းမြစ်များ

1. Mose 37:36

Oun i parepangre dran o them Midian bikran o Yosefes an o them Egiptia ap yekeste kol rayendar, kay an o baro rayeskro kheer hi. Leskro lab his Potifar. Yob his o pralstouno kolendar, kay denn garda ap o baro rayeste pral o them Egiptia.

2. Samuel 9:7

Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

2. Rajengro liil 8:5

Oun har o Gehasi o baro rayeske penas, kay o Elisa yekes djido kras, kay moulo his, koy vas koy djouvel, kay kras yob lakro čaves djido, te rakrell li o baro rayeha pral lakro kheer oun kotar them. Koy penas o Gehasi: “Miro baro ray, kaya hi koy djouvel, oun kava hi ko čavo, koles o Elisa djido kras.”

2. Rajengro liil 8:7

O Elisa vas an Damaskus. Koy his o ray pral Syria, o Ben-Hadad, nasselo čiddo. Oun leske vas penlo: “Ko Debleskro morsh vas kate.”

2. Rajengro liil 9:32

Yob dikas pral pash i vorhni oun das gole: “Koon hi ap miri rig?” Koy dikan douy, triin pralstoune boudepangre ap leste tele.

1. Familjakro liil 28:1

O David moukas i tsele pralstunen khetne gole te dell an o foro Yerusalem: Kolla his: i pralstoune pral i deesh-te-douy bare familyende, i pralstoune pral i lourdende, kay his khetne lino, te venn le yek čon an o bersh o baro rayeske koy, i pralstoune pral yek zero lourdende oun kolla pral yek sheel lourdende, kol morsha, kay dan yak ap o bravlepen oun ap i firhende o baro rayestar oun leskre čavendar, i pralstoune pral o baro rayeskro kheer, i zorele kourepangre, oun i tsele an-dikle morsha.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

5. Mose 22:2

Te djivell lo dour toutar krik, oun tou prindjreh les ninna gar, palle less ko firhes an tiro kheer pre, te ačell lo pash toute, yaake rah bis te tiro phraal vella oun les rodell. Oun palle de les leste pale.

Čačepangre 11:13

Oun o ray pral i Ammonarya penas ap i morshende, kolen o Yefta bičras: “Har vas o Israel vin dran o them Egiptia, las lo peske miro them, hoy čiddo hi mank o pani Arnon oun o pani Yabbok oun o pani Yordan. Oun kanna de kol themma an o lačepen pale pale!”