2. Rajengro liil 8:28 - O Debleskro Lab 2024 (Sinte-Manouche)28 Oun khetne o Ahabeskro čaveha, o Yorameha, djas lo an o kourepen an o foro Ramot an o them Gilead, te kourell lo pes o baro rayeha pral o them Syria. Leskro lab his Hasael. Kol Syrarya dan o Yorames yaake, အခန်းကိုကြည့်ပါ။O Debleskro Drom 2021 (Sinte)28 Un khetne o Ahabeskro tchaweha, o Jorameha, djas lo an o kurepen an o foro Ramot an o them Gilead, te kurell lo pes o baro rajeha pral o them Syria. Leskro lab his Hasael. Kol Syrarja dan o Jorames jaake, အခန်းကိုကြည့်ပါ။ |
O Ben-Geber his o pralstouno pral o foro Ramot an o them Gilead, ninna pral kol gaba, kay hi kharedo pal ko morsheste, o Yayr, koleskro dad o Manasse hi, ninna pral ko them Argob, hoy hi an Bashan čiddo. Kote his shob-deesh bare forya, kolen his massurya troul pende oun voudya, hoy sasteha pandlo van.
oun bičras lourden pash o Yosafat, ko baro rayeste an o them Youda oun moukas leske te penell: “Ko baro ray pral kol Moabarya peras tele mandar. Am mantsa, te djas mer khetne ap lende pre!” O baro ray pral o them Youda penas: “Me kamau te vell. Me hom har tou. Oun mire menshe hi har tire menshe. Oun mire graya hi har tire graya.”
Oun o Yehou, koleskro dad o Yosafat oun koleskro papo o Nimshi hi, hadas pes pral o baro ray Yoram oun kamas gar, te ačell o Yoram baro ray. [Glan yek tsiro djas o Yoram khetne kol tsele lourdentsa dran Israel pash ko foro Ramot an Gilead, te kourell lo pes o baro rayeha pral o them Syria, o Hasael.
An ko kourepen vas o baro ray Yoram ratles dino. Doleske vas yob pale an o foro Yesreel, te moukell lo pes sasto te krell kol davendar, hoy kol Syrarya les dan.] Oun o Yehou penas: “Te kamenn t'mer pash mande rikrell, palle moukenn kekes dran o foro te nashell, te nay djal yob an o foro Yesreel oun penell kote, hoy kay djas.”
Ap i vavar rig o panyestar Yordan pash o foro Yericho rodan le vin: o foro Bezer an o moulo them ap ko pralstouno kotar them, kay i menshe dran o kheer Ruben djivan; o foro Ramot an o them Gilead ap o kotar them, kay i menshe dran o kheer Gad djivan; oun o foro Golan an o them Bashan ap ko kotar them, kay i menshe dran o kheer Manasse djivan.