2. Rajengro liil 8:24 - O Debleskro Lab 2024 (Sinte-Manouche)

²⁴ Oun o Yoram meras oun vas paskedo pash peskre phourende an o Davideskro foro. Oun leskro čavo, o Ahasya, vas baro ray pal leste.

O Debleskro Drom 2021 (Sinte)

²⁴ Un o Joram meras un was paskedo pash peskre phurende an o Davideskro foro. Un leskro tchawo, o Ahasja, was baro rai pal leste.

2. Rajengro liil 8:24 ပူးပေါင်းရင်းမြစ်များ

1. Rajengro liil 11:43

Oun o Salomo meras oun vas paskedo pash peskre phourende an o Davideskro foro. Oun leskro čavo, o Roboam, vas o baro ray pal leste.

1. Rajengro liil 14:20

Oun ko tsiro, kay his o Yerobeam baro ray, his 22 (biish-te-douy) bersha. Oun yob meras, oun leskro čavo, o Nadab, vas o baro ray pal leste.

1. Rajengro liil 14:31

Oun o Roboam meras oun vas paskedo pash peskre phourende an o Davideskro foro. Leskri day his i Naama dran o them Ammon. Oun leskro čavo Abiya vas baro ray pal leste.

1. Rajengro liil 2:10

Oun o David meras oun vas paskedo an o foro Yerusalem.

2. Rajengro liil 10:13

hatsas yob kol phralen o baro rayestar pral Youda, koleskro lab Ahasya his. Oun o Yehou poučas lendar: “Koon han t'mer?” Koy penan yon: “Mer ham kol phrala o baro rayestar Ahasya oun ham ap o drom pash leskri familya, te penas leskre čavenge oun leskri dakre čavenge lačo dives.”

2. Rajengro liil 14:20

Oun yon čivan les ap graya oun anan les an o foro Yerusalem. Oun yob vas paskedo pash peskre phourende an o Davideskro foro.

2. Rajengro liil 15:38

Oun o Yotam meras oun vas paskedo pash peskre phourende an o Davideskro foro. Oun leskro čavo, o Ahas, vas baro ray pal leste.

2. Rajengro liil 16:20

Oun o Ahas meras oun vas paskedo pash peskre phourende an o Davideskro foro. Oun leskro čavo Hiskiya vas baro ray pal leste.

2. Rajengro liil 8:23

Ko tselo vavar koova, hoy pral o Yoram penepaske hi, oun lauter, hoy lo kras, kova hi činlo an i familyakro liil i bare rayendar pral o Youda.

2. Rajengro liil 9:28

Oun leskre lourde anan les an Yerusalem oun paskran les an leskro moulengro kheer pash leskre phourende an o Davideskro foro.

1. Familjakro liil 3:11

Koleskro čavo his o Yoram, koleskro čavo his o Ahasya, koleskro čavo his o Yoash,

2. Familjakro liil 21:1

Oun o Yosafat meras oun vas paskedo pash peskre phourende an o Davideskro foro. Oun leskro čavo, o Yoram, vas baro ray pal leste.

2. Familjakro liil 21:17

Oun yon djan khetne pre an o them Youda, oun lan halauter pentsa, hoy hatsan le an o kheer o baro rayestar, ninna leskre čave oun leskre romya. Oun yaake ačas leske kek čavo pral, kokres leskro terneder čavo, o Yoakaz.

2. Familjakro liil 21:20

32 (triyanda-te-douy) bersha his lo, har vas lo baro ray. Oun 8 (orhta) bersha his lo o baro ray an o foro Yerusalem. Kekes khaytas leskro merepen. Ninna te paskran le les an o Davideskro foro, his leskri grufta gar an o moulengro kheer, kay i vavar bare raya paskedo van.

2. Familjakro liil 21:7

Ninna te djivas o Yoram sau čilačo djipen, kamas o baro Devel o Davideskri familya gar te marell, koleske hoy yob o Davideha vin kras. Yob penas leske, te vell yek kolendar, kay pal leste venna, baro ray hako tsireske.

2. Familjakro liil 22:1

Har o Yoram meras, lan i menshe an o foro Yerusalem leskro ternester čaves, o Ahasya, te vell lo o baro ray pal leskro dadeste. Glan i tsiro van Arabarya ap i lourdengri platsa, kay i lourde dran Youda his, oun peran pral lende. Lentsa khetne van randepangre lourde oun maran kol tsele phoureder čaven o Yoramestar. Doleske vas o Ahasya o baro ray pral Youda.

2. Familjakro liil 22:6

te djas lo pale an Yesreel, te vell leskro doukepen pale sasto, hoy kol Syrarya les an o foro Rama dan, har yob pes ko baro rayeha pral Syria, o Hasael, kouras. Oun o Ahasya, koleskro dad o Yoram his, vas tele pash leste an Yesreel, kay o Yoram doukedo čiddo his.

2. Familjakro liil 25:23

Oun o Yoash tapras o Amazya pash o foro Bet-Shemesh oun pandas les. Oun o Yoash djas doureder oun vas an o foro Yerusalem oun phagas i massouri o forestar Yerusalem dren ap douy-sheel metarya lengstepen: mank o voudar Efrayim oun o voudar, kay i rigya khetne venn.