2. Rajengro liil 8:20 - O Debleskro Lab 2024 (Sinte-Manouche)

²⁰ An ko tsiro, kay o Yoram baro ray his, phagan i menshe dran Edom o baro rayeha an Youda oun čivan i vavar baro rayes pral pende dren.

O Debleskro Drom 2021 (Sinte)

²⁰ An ko tsiro, kai o Joram baro rai his, phagan i menshe dran Edom o baro rajeha an Juda un tchiwan i wawar baro rajes pral pende dren.

2. Rajengro liil 8:20 ပူးပေါင်းရင်းမြစ်များ

1. Mose 27:40

Tou djiveh kolestar, hoy tiro rharo anella touke, oun hounte boudress tiro phraleske. I dives vella, kay hadeh tout ap leste, oun moukeh les bouder gar ray pral toute te vell.

2. Samuel 8:14

Oun yob čivas moskre dren an hako foro an o them Edom. Oun o Davides his penepaske pral o tselo them Edom. O baro Devel his ap o Davideskri rig, kay yob ninna djas.

1. Rajengro liil 22:47

Ninna tradas lo kol morshen oun djouvyen dran o them vin, kay bikran pen lovenge ap kol platse, kay i moule debla an-mangedo van, kolla, kay pral ačan dran ko tsiro, kay leskro dad, o Asa, o baro ray his.

1. Rajengro liil 22:48

An ko tsiro his kek Edomari o ray pral o them Edom. I pralstouno morsh, bičedo o rayestar dran Youda, his o ray pral o them.

2. Rajengro liil 14:7

O Amazya das ninna i Edomarya an i Londi Tala, 10.000 (deesh-zerya) morsha. Oun an o kourepen las lo ko foro Sela dren, oun das ko fores i vavar lab. Yaake kharell ko foro Yokteel ninna gomme kava dives.

2. Rajengro liil 3:26

Har ko baro ray pral kol Moabarya dikas, kay nashrell lo o kourepen, las yob 700 (efta-sheel) lourden peha, kay kourenn pen nay o rhareha, oun kamas lentsa te nashell kote, kay o baro ray pral Edom peskre lourdentsa tardo hi. Kova djas lenge gar.

2. Rajengro liil 3:27

Koy las yob peskro phoureder čaves, kay vals pal leste baro ray, maras les, oun rhačras les ap kol pre-čidde barra, hoy troul o foro hi. Koy vas i bari rholi pral o Israel, yaake kay tserdan yon pen pale, oun djan pale an pengro them.

2. Rajengro liil 3:9

Yaake djan kol douy bare raya pral Israel oun pral Youda vin pengre lourdentsa. Ninna o baro ray pral Edom peskre lourdentsa djas lentsa. Har yon efta divessa dour djan, his kol lourden oun ko firhen, kay pash lende his, kek pani.

2. Rajengro liil 8:22

Pal kova his kol Edomarya bouder gar an i vasta kol menshendar dran o them Youda bis ap kava dives. An ko tsiro peran ninna kolla an o foro Libna o themestar Youda tele.