2. Rajengro liil 8:19 - O Debleskro Lab 2024 (Sinte-Manouche)

¹⁹ Ninna te djivas lo sau čilačo djipen, kamas o baro Devel i menshen an o them Youda gar te marell. Glan i rah tsiro penas yob peskro boudepaskreske David, te vell yek kolendar, kay pal leste venna, baro ray hako tsireske.

O Debleskro Drom 2021 (Sinte)

¹⁹ Ninna te djiwas lo sau tchilatcho djipen, kamas o baro Dewel i menshen an o them Juda gar te marell. Glan i rah tsiro penas job peskro budepaskreske David, te well jek kolendar, kai pal leste wenna, baro rai hako tsireske.

2. Rajengro liil 8:19 ပူးပေါင်းရင်းမြစ်များ

2. Samuel 21:17

O Abishay, koleskri day i Serouya his, vas leske ap i rig, oun das kol Filistares moulo. Koy dan o Davideskre lourde les sovel, oun penan: “Tou djas mentsa gar bouder an o kourepen, te djal koy momeli an Israel gar vin!”

2. Samuel 7:15

Miro lačepen lau gar lestar krik, har me miro lačepen o Saulestar krik lom, koles krik lom, te vess tou baro ray.

2. Samuel 7:16

Hako tsiro hi tout čave, kay pal toute venna, oun yek lendar hi baro ray glan mande. Oun tiro rayengri beshepaskri ačell hako tsiro.”

1. Rajengro liil 11:12

O Davideske, tiro dadeske, krau me kova gar yaake rah har tou djiveh. Na-a, dran o vast tiro čavestar lau les krik.

1. Rajengro liil 11:13

Oun gar o tselo them lau lestar krik. Me moukau tiro čaveske yek kotar them, kay i menshe yek čavestar o Yakobestar djivenn. Kova krau o Davideske, kay mange koy his, oun dran o foro Yerusalem krau me kova. Ko foro rodom me mange vin.”

1. Rajengro liil 11:36

Leskro čaves moukau yek kotar. Yaake hi an hako tsiro i čavo o Davidestar o ray an o foro Yerusalem. Kava foro rodom me mange vin, te djivap kote.

2. Rajengro liil 11:2

Kova shounas i čay o baro rayestar Yoram. Lakro lab hi Yosheba. Oun lakro phraal his o Ahasya. Koya čoras peskro phraleskro čaves, o Yoash, mashkral dran o rayeskre čavende, kay venn marede. Oun anas les oun koy djouvel, kay das ap leste garda, an i čibyengri isema oun khatras les glan i Atalya. Oun yaake nay vas lo gar maredo.

2. Rajengro liil 19:34

“Me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.”

2. Familjakro liil 21:7

Ninna te djivas o Yoram sau čilačo djipen, kamas o baro Devel o Davideskri familya gar te marell, koleske hoy yob o Davideha vin kras. Yob penas leske, te vell yek kolendar, kay pal leste venna, baro ray hako tsireske.

Debleskri gili 132:10

Tou rodal o Davides vin, te vell lo baro ray. Ma biče les toutar krik, tiro boudepaskres!

Debleskri gili 132:17

Kote vell yek o Davideskre čavendar i zorelo baro ray. Ko baro ray, koles mange vi-rodom, vell i menshenge har i momeli, hoy hako tsiro rhačella.

Jesaja 37:35

Oun me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Hosea 11:9

Me kamau gar yaake te krell, har mange les miri tati rholi penella. Oun kamau gar te dap o Efrayimes pale pre. Me hom o Devel, oun kek mensho. Me, ko yek čačo Devel, hom mank t'mende, oun vau gar, te marap t'men.