2. Rajengro liil 8:15 - O Debleskro Lab 2024 (Sinte-Manouche)

¹⁵ Ap o vavar dives las yob i plarhta, čivas koya an o pani, oun čivas koya ap o baro rayeskro mouy. Koy meras yob. Oun o Hasael vas pal leste baro ray pral o them Syria.

O Debleskro Drom 2021 (Sinte)

¹⁵ Ap o wawar diwes las job i plachta, tchiwas koja an o pani, un tchiwas koja ap o baro rajeskro mui. Koi meras job. Un o Hasael was pal leste baro rai pral o them Syria.

2. Rajengro liil 8:15 ပူးပေါင်းရင်းမြစ်များ

1. Rajengro liil 15:28

Kote maras les o Baasha an o triinto bersh, har o Asa o baro ray pral o them Youda his. Oun o Baasha vas baro ray pral Israel pal o Nadab.

1. Rajengro liil 16:10

Kote vas o Simri an o kheer dren oun das les temerl. Kova his an o 27. (biish-te-eftato) bersh, har o Asa o ray pral Youda his. Oun o Simri vas o ray pral Israel pal o Ela.

1. Rajengro liil 16:18

Har o Simri dikas, kay ko foro dren lino vella, djas lo ap i turmo peskro kherestar, rhačras peskro kheer oun meras an i yag.

1. Rajengro liil 19:15

Kote penas o baro Devel ap leste: “Dja ko drom pale, hoy tou val, mank o moulo tato them. Oun dja dren an o foro Damaskus! Mak lačo djet ap o shero o morshestar Hasael, te vell yob o ray pral o them Aram!

2. Rajengro liil 15:25

Oun yek leskre pralstoune lourdendar, o Peka, – leskro dad his o Remalya – čivas pes vavarentsa khetne. Oun pash leste his i paash-sheel lourde dran Gilead. Oun yob das o Pekayes moulo an o turmo pash peskro kheer an o foro Samaria. Oun o Argob oun o Arye meran kote ninna. Oun o Peka vas o baro ray pal leste.

2. Rajengro liil 15:30

Oun o Hoshea, koleskro dad o Ela his, čivas pes vavarentsa khetne oun das o baro rayes, o Peka, moulo. Koleskro dad his o Remalya. Oun o Hoshea vas baro ray pal leste. Kova djas, har o Yotam, koleskro dad o Usiya his, an o biishto bersh o baro ray pral o them Youda his.

2. Rajengro liil 8:10

O Elisa penas ap leste: “Dja koy oun pen leske: Tou veh sasto. Mange sikras o baro Devel, kay yob merella.”

2. Rajengro liil 8:13

O Hasael penas: “Me hom i čorvelo djouklo. Har nay krau me savo koova?” Koy penas o Elisa: “O baro Devel sikras mande, kay veh tou baro ray pral Syria.”

2. Rajengro liil 8:28

Oun khetne o Ahabeskro čaveha, o Yorameha, djas lo an o kourepen an o foro Ramot an o them Gilead, te kourell lo pes o baro rayeha pral o them Syria. Leskro lab his Hasael. Kol Syrarya dan o Yorames yaake,

2. Rajengro liil 9:24

O Yehou tapras peskro bogo oun das o Yorames mashkral i phika karye, yaake kay djas ko faylo an leskro dji. Oun o Yoram phagas khetne an peskro vourdin.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

1. Samuel 24:13

O baro Devel mou vell o čačepaskro ray mank mende douyende! Yob dell tout pale, hoy tou ap mande kral! Miro vast taprell tout gar an!