2. Rajengro liil 7:7 - O Debleskro Lab 2024 (Sinte-Manouche)

⁷ Oun har i rat vas, nashan yon sik penge oun moukan lauter yaake tardo har his: pengre plarhtene khera, pengre graya, bourika, oun dan an i herya, te venn le gar maredo.

O Debleskro Drom 2021 (Sinte)

⁷ Un har i rat was, nashan jon sik penge un mukan lauter jaake tardo har his: pengre plachtene khera, pengre graja, burika, un dan an i herja, te wenn le gar maredo.

2. Rajengro liil 7:7 ပူးပေါင်းရင်းမြစ်များ

1. Rajengro liil 10:29

Oun yon anan vourdya dran o them Egiptia, yekeske playsran le 600 (shob-sheel) roupene beme. Oun yek grayeske playsran le 150 (sheel-te-paash) roupene beme. Oun palle bikran le lendar doureder ap i rayende pral i Hetarya oun ap i rayende pral o them Syria.

1. Rajengro liil 20:20

koy maran le hakenes, kay čivas pes lenge an o drom. Oun i Syrarya nashan penge, oun i Israelitarya nashan lenge palla. Oun o Ben-Hadad, ko baro ray pral Syria, nashas peske ap i gray, oun leskre kourepangre vourdya khetne leha.

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Debleskri gili 33:17

Hi vitar gar i graya, kay nay lenn vin dran o kourepen, ninna te hi len bari zoor.

Debleskri gili 68:12

O baro Devel penas i lab; oun boud djouvya nashan oun penan ko shoukar koova, hoy djas:

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Gosewe laba 6:5

Tserde tout vin dran leskre vasta har i vesheskri bouzni dran i pandle dorya, oun har i čirklo dran o vast kolestar, kay tapras les.

Jesaja 2:20

Oun kol roupene oun sonakangre figure, hoy i menshe pen kran, te mangenn le len an, kolen vitsrenn le i kermusenge oun i fledertikre kermusenge koy.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Čačepangre 7:21

Oun yon ačan kote tardo, kay le his, troul koy tseli platsa trouyel. Oun kol tsele Midiantikre lourde nashan har divyes ap koy platsa trouyel, dan bari gole oun kaman te nashenn penge.

1. Samuel 14:15

Oun i bari daar peras ap kol Filistarya, – ap lengri platsa oun ninna vin ap o them – ap kol tsele lourdende, ninna ap kolende, kay yak denn oun ap kolende, kay vin djan, te randenn le. Oun i phoub trissas. Yaake bičras o Devel i bari daar ap i tsele Filistarya.