2. Rajengro liil 6:9 - O Debleskro Lab 2024 (Sinte-Manouche)

⁹ Koy bičras ko Debleskro morsh, o Elisa, yekes pash o baro rayeste pral Israel oun moukas leske te penell: “De garda oun ma dja kava drom! Kol Syrarya lourenn koy.”

O Debleskro Drom 2021 (Sinte)

⁹ Koi bitchras ko Debleskro mursh, o Elisa, jekes pash o baro rajeste pral Israel un mukas leske te penell: “De garda un ma dja kawa drom! Kol Syrarja lurenn koi.”

2. Rajengro liil 6:9 ပူးပေါင်းရင်းမြစ်များ

1. Rajengro liil 20:13

Koy vas i Debleskro rakepaskro pash o Ahab, ko baro rayeste pral Israel, oun penas ap leste: “Kava penell o baro Devel: Dikeh tou kol boud boud lourden? Čačepah, me kamau len kava dives an tiro vast te dell, te hayvess tou, me hom o baro Devel!”

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

2. Rajengro liil 4:1

Kote his i djouvel, kolakro rom his i Debleskro rakepaskro. Koya das pal o Elisa gole oun penas: “Tiro boudepaskro, miro rom, meras. Oun tou djineh, kay lo ap o baro Debleskro drom djas. Oun kanna vell ko morsh, kay miro romes siyaan hi pash leste, oun kamell mire douy čaven te lell, te venn le leskre ginle boudepangre.”

2. Rajengro liil 4:27

Har yoy pash o Debleskro morsheste ap koy berga vas, tapras yoy leskre herya trouyel. O Gehasi vas, te dell lo lat i spildini. Koy penas o Debleskro morsh: “Mouk lat! Lake hi ropaske, oun me djinau gar hoske. O baro Devel penas mange či, hoy djas.”

2. Rajengro liil 4:7

Oun yoy djas pale pash o Elisa oun penas kova o Debleskro morsheske. Yob penas: “Dja oun bike ko djet oun playse tiri siyaan ap koleste, kay patsal! Tou oun tire čave, nay djivenn kolestar, hoy pral ačas!”

2. Rajengro liil 6:10

Koy bičras ko baro ray pral Israel lourden koy pash ko drom, kolestar o Debleskro morsh rakras oun penas “Ma djan koy!” Oun kolla lan ko drom an i yak. Yaake djas kova yek kopo, douy kope oun ninna boudeder.

2. Rajengro liil 6:12

Koy penas yek leskre pralstunendar: “Kek mendar, miro baro ray. O Elisa, ko Debleskro rakepaskro an Israel, phoukrell lauter o baro rayeske pral Israel, ninna, hoy tou rakreh an tiri isema, kay soveh.”

2. Rajengro liil 6:8

Ko baro ray pral Syria his an o kourepen i Israelentsa, oun rakras peskre pralstoune lourdentsa, hoy yon nay krenna. Oun yob penas: “Mer khatrah men oun perah lenge koy čorrhanes an o doumo.”

Hiob 5:12

Yob dell kova paash hoy penge kolla glan lan, kay kamenn i vavaren pral o kand te dell. Yaake nay krenn le či.

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Gosewe laba 22:12

O baro Devel dell yak, te vell diklo, haveskre laba mishto oun čačo hi. Oun yob čakrell kol laba pre, hoy i phoukepaskro rakras.

Jeremia 11:18

O baro Devel penas mange, hoy len glan hi, te djinap me kova.

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro