2. Rajengro liil 6:26 - O Debleskro Lab 2024 (Sinte-Manouche)

²⁶ His i dives, kay djas o Israeleskro baro ray ap i pre-čidde barra, hoy troul o foro hi. Koy das i djouvel ap leste gole oun penas: “Ab ap miri rig, miro baro ray!”

O Debleskro Drom 2021 (Sinte)

²⁶ His i diwes, kai djas o Israeleskro baro rai ap i pre-tchidde barra, hoi trul o foro hi. Koi das i djuwel ap leste gole un penas: “Ab ap miri rig, miro baro rai!”

2. Rajengro liil 6:26 ပူးပေါင်းရင်းမြစ်များ

1. Mose 41:55

Har i bok ninna an o them Egiptia vas, dan i Egiptarya gole ap o baro rayeste, te dell yob len te rhal. Koy penas o baro ray ap lende: “Djan pash o Yosefeste! Krenn, hoy yob t'menge penella!”

2. Samuel 14:4

Oun koy djouvel dran o gab Tekoa djas pash o baro rayeste. Oun kote čivas pes li glan leste tele ap i phoub, sharas les, oun penas: “Ab mange ap i rig, maro baro ray!”

2. Rajengro liil 6:25

Har yon yaake i rah tsiro o foro dren pandan, vas i bok an o foro Samaria baro. I eseltikro shero vas 80 (orhta-deesh) roupene beme oun i vast pherdo čirklengri čik vas panč roupene beme.

2. Rajengro liil 6:27

Yob penas: “Vell o baro Devel gar ap tiri rig, har nay vau me ap tiri rig? Djob oun mool hi bouder gar koy.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Louka 18:3

An ko foro djivas ninna i djouvel, kolakro rom meras. Koya vas boud kope pash leste, oun penas: Ab ap miri rig, te lap miro čačepen!

Bičepangre 21:28

oun dan gole: “Morshale dran o them Israel, avenn pash mende! Kava hi ko morsh, kay i tsele menshen ap i phoub dinelo krella. Yob rakrell djoungeles pral i biboldende, pral o Moseskre lila, oun pral o Debleskro baro kheer. Kanna anas yob ninna kolen, kay kek bibolde hi, an o Debleskro baro kheer, oun kras maro Debleskro baro kheer pale-čiddo.”