2. Rajengro liil 6:23 - O Debleskro Lab 2024 (Sinte-Manouche)

²³ Koy kras yob i baro rhapen. Oun har yon rhan oun piyan, moukas yob len te djal, te djan le pale pash pengro rayeste. Pal kova van kek Syrarya bouder an ko them Israel, te randenn le koy.

O Debleskro Drom 2021 (Sinte)

²³ Koi kras job i baro chapen. Un har jon chan un pijan, mukas job len te djal, te djan le pale pash pengro rajeste. Pal kowa wan kek Syrarja buder an ko them Israel, te randenn le koi.

2. Rajengro liil 6:23 ပူးပေါင်းရင်းမြစ်များ

2. Rajengro liil 24:2

Oun o baro Devel moukas boud lourden pral leste te vell, kay trouyel djan oun randan an o them Youda. Kolla van dran i themma Babilonia, Syria, Moab, oun Ammon, oun kran o them paash. Kova vas yaake, har o baro Devel rakras ap peskre rakepangre, kay leske koy his, oun har yon kova i menshenge doureder penan.

2. Rajengro liil 5:2

Oun lourde dran o them Syria djan vin oun čoran i terni čat dran o them Israel, oun lan lat pentsa. Koya boudras o Naamaneskri romyake.

2. Familjakro liil 28:15

Oun kol morsha, kolengre laba kharedo van, yon dikan pal kol pandlende oun dan kolende, kay či an-ripaske his, koola oun kirrha dran ko koova, hoy i lourde lenge krik lan. Ninna dan le len te rhal oun te piyell. Oun kolenge, kay doukedo his, čivan le djet ap lengro doukepen. Oun hakenes, kay nay nashas bouder gar, beshan le ap i bourika, oun anan len pash pengre menshende an o foro Yericho. Kava foro hi ninna kharedo Palmtikro foro. Palle djan i morsha dran Israel pale khere an o foro Samaria.

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Mateo 5:47

T'mer te han lačes ap t'mare phralende kokres, palle krenn t'mer, hoy lauter krenna. Ninna kolla, kay prindjrenn o Debles gar, krenn kova, hoy t'mer krenna.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.