2. Rajengro liil 6:17 - O Debleskro Lab 2024 (Sinte-Manouche)

¹⁷ Oun o Elisa rakras o Debleha oun penas: “Baro Devel, kre leskre yaka pre, te dikell lo!” Koy kras o baro Devel ko boudepaskreske i yaka pre. Oun yob dikas, kay hi koy berga pherde yagengre graya oun yagengre vourdya troul o Elisa.

O Debleskro Drom 2021 (Sinte)

¹⁷ Un o Elisa rakras o Debleha un penas: “Baro Dewel, kre leskre jaka pre, te dikell lo!” Koi kras o baro Dewel ko budepaskreske i jaka pre. Un job dikas, kai hi koi berga pherde jagengre graja un jagengre wurdja trul o Elisa.

2. Rajengro liil 6:17 ပူးပေါင်းရင်းမြစ်များ

1. Mose 21:19

Oun o Devel kras lake i yaka pre. Oun yoy dikas i tikno pani, djas kote, kras ko gono pherdo pani, oun das kol čaves te piyell.

1. Mose 32:1

Taysarlakro stas o Laban pre, čoumras peskre čengre čaven oun peskre čen oun penas ap lende: “Ačenn miro Debleha!” Oun djas khere.

1. Mose 32:2

Oun o Yakob djas doureder. Oun o Debleskre bolepangre tapran les ap o drom.

1. Mose 32:3

Har o Yakob len dikas, penas lo: “Kate hi o Debleskri platsa.” Oun das koy platsa ko lab: Mahanayim.

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

Debleskri gili 104:3

oun kral touke i kheer pral i panya. Tou oulereh ap i volke har ap i vourdin, oun i vinta hidjreh tout.

Debleskri gili 104:4

O dourho, hoy phourdell tel o bolepen, hi tiro bičepaskro. Oun i yag hi tiro boudepaskro.

Debleskri gili 119:18

Kre mange i yaka pre, te nay dikap har shoukar hi te djap tiro drom.

Debleskri gili 125:2

Yaake har i berge troul o foro Yerusalem hi, yaake hi o baro Devel troul peskre menshende kanna oun hako tsiro.

Debleskri gili 34:7

Ake hi yek, kay gole das ap o baro Debleste, har leske djoungeles djas, oun yob shounas les oun las les vin dran lauter, hoy leske o djipen phares kras.

Debleskri gili 68:17

T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

Debleskri gili 91:11

Yob kokres penas ap peskre bolepangre, te denn le yak ap toute ap tire tsele dromma,

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Jesaja 42:7

Tou kress i korelenge i yaka pre, oun less i pandlen vin dran o stilepen, kay hi le beshdo an i kali rat.

Daniel 10:7

Oun me kokres, o Daniel, dikom ko dikepen. Kol morsha, kay pash mande his, dikan kova gar. Ap lende peras i bari daar, yaake te nashan le oun khatran pen.

Zakarie 1:8

Me dikom an i rati i morshes, kay klissas ap i lolo gray. Yob ačas tardo an i tala mank i mirtetikre rouka. Pal leste his vavar graya: lole graya, kalo-parne graya oun parne graya.

4. Mose 22:31

Koy kras o baro Devel o Bileameske i yaka pre, kay nay dikas yob o baro Debleskro bolepaskres ap o drom tardo i rhareha an o vast. Oun o Bileam čivas pes ap peskre čanga tele oun vitsras pes ap peskro mouy.

Mateo 26:53

Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 19:14

Oun i tsele bolepaskre kourepangre van leske palla ap parne graya. Len his koola dran parno djoudjo than.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.